İran hökumətinin sözçüsü: “Vyanada Əli Baqiri Kənidən başqa heç bir şəxs və ya ölkə İranın nümayəndəsi deyil”

SON XƏBƏRLƏR

İran hökumətinin sözçüsü: “Vyanada Əli Baqiri Kənidən başqa heç bir şəxs və ya ölkə İranın nümayəndəsi deyil”

2022.01.11, 14:14

Gunaz.tv

Sözçü Vyana danışıqlarında iştirak edən Rusiya nümayəndə heyətinin başçısı Mixail Ulyanovun adını çəkmədən deyib ki, Qərblə aparılan nüvə danışıqlarında heç bir ölkə İranı təmsil etmir.

“Vyana danışıqlarında ölkəmizin nümayəndə heyətinin başçısı Əli Baqiri Kənidən başqa heç bir şəxs və ya ölkə İranı təmsil etmir və bizim nümayəndəmiz sayılmır.

Bəzən müxtəlif ölkələr və ya onların diplomatları öz diplomatik vəzifələri çərçivəsində bəzi hərəkətlər edirlər. Bu isə mediada işıqlandırılır. Bütün bu hərəkətlər isə sözü gedən diplomat və ya məmurun özünün və ya ölkəsinin səlahiyyəti çərçivəsindədir.

Bir daha bildirirəm ki, Vyana danışıqlarda bizim yeganə nümayəndəmiz başqa hər hansı bir şəxs və ya ölkə yox, Əli Baqiri Kənidir.

Qeyd edək ki, son günlər Tehranla Qərb arasında Vyanada aparılan nüvə danışıqlarında Mixail Ulyanovun açıq-aşkar İranı təmsil etməsi barədə məlumatlar yayılıb.

Yayılan bəzi məlumatlara görə, İran nümayəndə heyəti bir neçə dəfə bağlı Vyanada qapılar arxasında qaldığı bir halda, Rusiya nümayəndə heyətinin başçısı Mixail Ulyanov, müzakirələrdə Amerikanı təmsil edən Robert Mali ilə birlikdə otaqda təkbətək görüşərək İranın nüvə proqramı məsələsi barədə danışıqlar aparıb.

A.M