ETTELAAT müəllimin azadlığa buraxılmasına əngəl olur

SON XƏBƏRLƏR

ETTELAAT müəllimin azadlığa buraxılmasına əngəl olur

2022.05.31, 07:07

Gunaz.tv

Müvəqqəti azadlıq üçün istənilən 700 milyon tümən girovun qoyulmasına, müəllimin sərbəst buraxılmasına dair məktubun verilməsinə baxmayaraq, o, yenidən təhlükəsizlik bölməsi sayılan Evin zindanının 209-cu bölməsinə salınıb.

Qeyd edək ki, Cəfər İbrahimi İran Müəllimlər Birliyinin 1 maya təyin etdiyi kütləvi etiraz aksiyalarından bir gün öncə aprelin 30-da Rəsul Budaği, Əliəkbər Bağati və Məhəmməd Həbibi ilə birgə təhlükəsizlik məmurları tərəfindən saxlanılıb.

Bununla yanaşı müəllim hüquqları fəalı, məhbus İskəndər Lütfi zindanda quru aclıq aksiyasına başlayıb.

Məlumata əsasən, Lütfi məcburi etirafların alınması üçün müstəntiqlərin ona qarşı təzyiqlərinə, habelə qeyri-qanuni həbsinin davam etməsinə etiraz olaraq quru aclıq akisyasına əl atıb.

Bildirilir ki, İskəndər Lütfi mayın 30-da ailəsi ilə telefonla danışarkən aclıq aksiyasına başladığını deyib və ondan sonra telefon bağlantısı kəsilib.

Xatırladaq ki, Lütfi 1 May Ümumdünya Əmək Günündə baş tutan kütləvi etiraz aksiyaları zamanı həbs edilib və hazırda Sənəndəc şəhər zindanında saxlanılır.

O da bir sıra fəhlə və müəllim fəalları kimi, "Fransa sindikatının iki fəalı ilə görüşmə" kimi saxta ittihamla həbsə atılıb.

Cavidan