İran məhkəməsi Qarabağa görə həbs edilmiş ərdəbilli hüquqşünası 16 il həbs cəzasına məhkum etdi

22.11.2021, 11:29

Ərdəbil şəhərində yaşayan tanınmış hüquqşünas və milli-mədəni fəal Pərviz Siyabi Gürcani İnqilab Məhkəməsinin 1-ci bölməsi tərəfindən 16 il həbs cəzasına məhkum edilib.

Gunaz.tv Quote | Gunaz article

Ərdəbil İnqilab Məhkəməsi hüquqşünasa qarşı bir neçə ağır ittiham irəli sürərək onun uzun müddətli həbsinə qərar verib.

O, “rejimə qarşı olan media ilə əlaqə saxlamaq və sosial şəbəkələrdə, kütləvi informasiya vasitələrində sistemin bütünlüyünə və təməlinə qarşı çıxmaq məqsədilə müsahibələr vermək, həqiqətə uyğun olmayan məlumatlar dərc etməklə İran İslam Respublikasının müqəddəs sisteminə qarşı təbliğat fəaliyyəti aparmaq”da ittiham edilib.

Milli fəala qarşı həmçinin “ölkənin təhlükəsizliyini pozmaq məqsədi ilə real olmayan qrupları idarə etmək” və “ölkənin təhlükəsizliyini pozmaq məqsədi ilə qeyri-qanuni qruplara və dəstələrə üzv olmaq”da suçlandırılır.

İran təhlükəsizlik və kəşfiyyat idarəsinin Ərdəbil bölməsinin hesabatına istinadən verilən məhkəmə qərarında Pərviz Siyabinin kiberməkanda və teleqram qruplarında fəaliyyəti, audio fayllar yayması, 24 iyul tarixində Təbrizdə keçirilən etiraz aksiyalarına dəstək verməsini cinayət hesab olunub.

Qərarda o, Abbas Lisaninin başçılıq etdiyi qeyri-qanuni “Güney Azərbaycan” qrupunun üzvü olmaqda ittiham edilib.

“Təqsirləndirilən şəxs qeyri-qanuni "telegram" qruplarının digər üzvləri ilə də fəal əlaqədə olub.

Aydındır ki, müttəhim bu qrupların məqsədləri ilə tanış olub və kifayət qədər biliyə malik olub. Üçüncüsü, cinayətkar qrupun təhlükəsizlik əleyhinə cinayətləri əlaqələndirmək məqsədilə idarə olunması sübuta yetirilib.

Cənab Siyabinin bu qruplarda etdiyi hərəkətlər yalnız adi bir insanın hərəkətləri deyil, həm də idarəçi və təşkilatçılıqdan irəli gələn hərəkətlərdir”-deyə, qərarın başqa bir bölümündə qeyd olunub.

Məhkəmə qərarında ərdəbilli hüquqşünasın ittihamları izah edilərək onun barəsində çıxarılan cəza qərarları aşağıdakı kimi bildirilib:
“Cinayət məhkəməsi təqsirləndirilən şəxsə “müharibə dərəcəsinə qədər olmayan” və 
2013-cü ildə təsdiq edilmiş İslami Cəza Məcəlləsinin “cəzalar və çəkindirici cəzalar” kitabının 498, 499 və 500-cü maddələrini və 134-cü maddənin A bəndini və 18-ci maddəsini və B bəndini əsas götürərək, təqsirləndirilən şəxsə hökm çıxarıb.

Törətdiyi cinayətlərin sayına, cinayət məqsədli hərəkətlərə rəhbərlik və onların irəli aparılmasındakı rolunun əhəmiyyətinə, bölgədə, xüsusən də azəridilli türklər yaşayan bölgələrdəki digər gəncləri cinayətə və separatizmə təhrik etdiyinə, özünə bağlı olan qrupların fikir qaynağı olduğuna  görə, cinayətkar qrupa rəhbərlik etdiyinə görə 10 il, cinayətkar qrupa üzvlüyünə görə 5 il, rejim əleyhinə təbliğat fəaliyyətinə görə isə 1 il azadlıqdan məhrumetmə cəzası verilir”.

Pərviz Siyabi gürcüani barəsində çıxarılan qərarın son bölümündə ona aid olan və axtarış zamanl götürülən şəxsi əşyaları barədə belə yazılıb:

“Təqsirləndirilən şəxsdən aşkar edilərək götürülən texniki təchizat və ona aid olan başqa əşyalar, o cümlədən: noutbuk, mobil telefonlar, rəsmi və qanuni lisenziyaya malik “Keyhan” qəzetinin arxivi və s. 2013-cü ildə təsdiq edilmiş İslam Cəza Qanununun 215-ci maddəsinə əsasən, təqsirləndirilən şəxsə qaytarılır.

Bununla yanaşı lisenziyası olmayan filmlər, kitablar və jurnallar da daxil olmaqla başqa materiallar, yuxarıdakı maddəyə uyğun olaraq Kəşfiyyat Təşkilatının nəzarəti altında hökumətin xeyrinə müsadirə edilir”.


Qeyd edək ki, Pərviz Siyabi gürcani 25 iyul tarixində təhlükəsizlik məmurları tərəfindən saxlanılıb.

O, 5 avqustda dindirilmə müddəti bitdikdən sonra təhlükəsizlik idarəsinin təcridxanasında Ərdəbil zindanına köçürülüb və 29 avqust tarixində 250 milyon tümən girov qarşılığında müvəqqəti olaraq məhkəməyə qədər sərbəst buraxılıb.

C.E 
 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Xoyda yenidən zəlzələ baş verib: Yeraltı təkanlar Təbrizdə də hiss olunub

2022-10-05

gun az article

Ərdəbil və Təbriz Universitetlərində tətil aksiyası keçirilir

2022-10-05

gun az article

Urmuda çörək qıtlığı yaranıb

2022-10-05

gun az article

“Özümüz” proqramında müzakirə: “Etirazlar və Milli Hərəkata qarşı təxribatlar” - VİDEO

2022-10-05

gun az article

Ərdəbildə divarlara milli şüarlar yazılıb

2022-10-05

gun az article

Təbriz və Tehranda daha iki mili fəal həbs edilib

2022-10-05

gun az article

Xoyda 5.7 bal gücündə zəlzələ olub

2022-10-05

gun az article

"Bacım etirazlar zamanı 3 güllə ilə öldürüldü"-Hədis Nəcəfinin bacısı

2022-10-04

gun az article

Təbrizdə gənc yazıçı Ramin Behzad həbs edilib

2022-10-04

gun az article

Güney azərbaycanlı fəala qarşı ittiham irəli sürülüb

2022-10-04

gun az article

Azərbaycanlı fəal Məlika Qaragözlü həbs edilib

2022-10-04

gun az article

“Parlaq gələcək”də müzakirə: “Ərk” Cəmiyyəti: Azərbaycan Məhbuslarının səsi” -VİDEO

2022-10-04

gun az article

Ərakda azərbaycanlı öyrənci hərəkatı fəalı Əli Lətifi həbs edilib

2022-10-04

gun az article

Ərdəbildə milli fəal Yaşar Əkbərzadə həbs edilib

2022-10-03

gun az article

Rektor Təbriz Universitetində baş verənləri inkar edib

2022-10-03

gun az article

"Qələbəni "Traxtur" azarkeşlərinə ithaf edirəm"-Qurban Berdiyev

2022-10-03

gun az article

Təbriz türk şəhəridir, Təbriz İranın deyil! – VİDEO

2022-10-03

gun az article

“Azadlıq səsi”: “İndiki durumda Güney Azərbaycanın milli mövqeyinin önəmi”- VİDEO

2022-10-03

gun az article

Ərdəbildə milli fəallar həbs edilib

2022-10-03

gun az article

Abbas Lisani 11 gündən sonra ailəsi telefon əlaqəsi saxlayıb

2022-10-03