Edamlarda əli olan sabiq iranlı məmurun İsveçdə məhkəməsi olub

SON XƏBƏRLƏR

Edamlarda əli olan sabiq iranlı məmurun İsveçdə məhkəməsi olub

2022.04.02, 10:40

Gunaz.tv

Bir neçə aydır davam edən məhkəmənin aprelin 1-də keçirilən növbəti iclasında yeni şahidlər dindirilib və Həmid urinin törətdiyi əməllər barədə ifadələr verilib.

Məhkəmə iclasının keçirilməsi zamanı İsveçdə yaşayan çox sayda iranlı müxalif və siyasi qaçqın məhkəmə binası qarşısına toplaşaraq İran hökuməti əleyhinə şüarlar səsləndiriblər.

Etirazçılar Həmid Nurinin mühakimə olunaraq barəsində layiqli cəza verilməsini istəyib, 1988-ci ilin kütləvi edamlarında Əli Xamneyi, İbrahim Rəisi və başqa İran rəsmilərinin məsuliyyət daşıdıqları barədə şüarlar səsləndiriblər.

Həmid Nuri adlı 60 yaşlı keçmiş prokuror köməkçisi 2019-cu ilin noyabrında İsveç polisi tərəfindən Arland aeroportunda həbs olunub. Xaricdə yaşayan iranlı müxaliflər onu tələyə salmaq üçün İsveçdə qızlarla əyləncə və alkaqol vəd ediblər.

1988-ci ilin iyul ayından sentyabr ayına qədər İran həbsxanalarında minlərlə siyasi məhbus edam olunub.

Ruhullah Xomeyninin bir başa göstərişi ilə bir neçə dəqiqəlik mühakimədən sonra icra olunan edam hökmləri barədə rəy verən və “ölüm heyəti” kimi tanınan 7 nəfərdən biri İranın hazırkı prezidenti İbrahim Rəisi olub.

Cavidan