"Nüvə danışıqlarının yeni mərhələsinin baş tutması mümkündür"-Rəsmi Tehran

SON XƏBƏRLƏR

"Nüvə danışıqlarının yeni mərhələsinin baş tutması mümkündür"-Rəsmi Tehran

2022.08.01, 09:23

Gunaz.tv

Beynəlxalq Atom Enerjisi Agentliyinin rəhbəri İranın atom bombası yaratmaq qabiliyyəti barədə açıqlama verdikdən sonra, İran Xarici İşlər Nazirliyinin sözçüsü Nasir Kənani mətbuat konfransı keçirib.

Xaricdə fəaliyyət göstərən Tehran hökumətinə müxalif "Iran International" televizyasının verdiyi məlumata görə, o, nüvə danışıqlarının yeni dövrünün keçirilməsinin mümkünlüyünü açıqlayıb.

Kənani nüvə danışıqlarını canlandırmaq üçün danışıqların yeni raundu və tərəflərin danışıqların vaxtı ilə bağlı yaxın gələcəkdə bir nəticəyə gələcəyinə ümid etdiyini bildirib.

Nasir Kənani avqustun 1-də keçirdiyi mətbuat konfransında Avropa Birliyinin nümayəndəsi Jozep Borellin "İran tərəfi mətni və təklifləri diqqətlə araşdırıb və öz mövqeyini təqdim edib" bəyanatını şərh edib.

30 iyulda Cozep Borrell Avropa Birliyinin veb saytındakı qeyddə "masada olan cari təklif olunan mətnin başqa alternativi yoxdur və başqa bir fikir və ya təklif əlavə etmək üçün çox gecdir" yazıb.

İran Atom Enerjisi Agentliyinin başçısı Məhəmməd İslami isə İranın atom bombası əldə etmək barədə nigəranlıqlara toxunub.

O, İranın atom bombası əldə etmək texnologiyaya malik olduğunu, ancaq nüvə silahı əldə etmək istəmədiyini iddia edib.

Bununla yanaşı İranın nüvə danışıqlarında baş müzakirəçisi Əli Baqiri Kəni danışıqların məzmunu və forması barədə ideya və təkliflərini qarşı tərəfə təqdim etdiklərini deyib.

"İran qısa müddətdə danışıqları yekunlaşdırmaq niyyətindədir və bunu qarşı tərəfdən də gözləyir"-deyən Baqiri Kəni növbəti dəfə olaraq Amerikanı danışıqların gecikdirilməsində Amerikanı günahlandırıb.

Avrasiya İnstitutunun əməkdaşı Henry Rom və "Wall Street Journal"ın əəməkdaşı Lourens Norman da daxil olmaqla bir sıra analitiklər Baqeri Kəninin tvitini İranın Josep Borrellin təklifinə maraq göstərmədiyinə və onu rədd etdiyinə işarə kimi dəyərləndiriblər.

Cavidan