İran və Ərəbistan XİN başçıları arasında telefon danışığı olub

SON XƏBƏRLƏR

İran və Ərəbistan XİN başçıları arasında telefon danışığı olub

2023.03.27, 02:53

Gunaz.tv

Bu barədə İran Xarici İşlər Nazirliyi məlumat yayıb.

İranlı nazir Hüseyn Əmir Abdullahian və şahzadə Faysal bin Fərhan Əl Səud iki ölkə arasındakı münasibətlərin normallaşdırılmasını müzakirə ediblər.

Daha əvvəl Abdullahian deyib ki, o, şahzadə Faysalla neytral zəmində görüşməyi planlaşdırır.

Martın 10-da Çin hökumətinin vasitəçiliy ilə Səudiyyə Ərəbistanı və İran iki ay ərzində diplomatik münasibətləri bərpa etmək və səfirliklərini açmaq barədə razılığa gəliblər.

Qeyd edək ki, bundan əvvəl Səudiyyə Ərəbistanının xarici işlər naziri Şahzadə Faysal bin Fərhan mediaya verdiyi açıqlamada İranla bağlı münasibətlərin qurulması barədə məsələlərə münasibət bildirib.

"Çin vasitəçiliyi ilə Pekində İranla Səudiyyə Ərəbistanı arasında münasibətlərin normallaşdırılmasına dair razılaşma İranla aramızda olan problemlərin həlli demək deyil",- o bildirib.

Günaz.TV