SON XƏBƏRLƏR

İranda daha 4 bəluc dara çəkilib

2021.12.09, 13:19
İranda daha 4 bəluc dara çəkilib

Gunaz.tv

Bu barədə İrandakı Bəluc Fəalları Kampaniyası məlumat yayıb.

Məlumata görə, ötən gün ölüm hökmünün icrası ərəfəsində təkadamlıq kameralara köçürülən hər dörd məhkum bu gün (dekabrın 9-u) səhər saatlarında Kirman şəhərinin həbsxanasında dara çəkiliblər.

Narkotik maddələrin qaçaqmalçılığında təqsirləndirilərək edam edilən məhkumlardan biri, Zahidan şəhər sakini 23 yaşlı Xalid Şəhbəxşdir.

Bildirilir ki, gənc məhkum Xalid Şəhbəxş əvvəlcə 25 il həbsə məhkum edilsə də, son həftələr Şəhbəxş tayfasından olan bir neçə silahlı şəxslə yerli polis qüvvələri arasında atışma baş verməsindən sonra barəsində çıxarılmış 25 il həbs cəzası dəyişdirilərək ölüm hökmü ilə əvəzlənib.

Dar ağacından asılan digər üç bəlucun adlarını müəyyənləşdirmək hələlik mümkün olmayıb. 

Xatırladaq  ki, istər keçmiş şah rejimində, istərsə də hazırkı molla rejimində İranın ən yoxsul və baxımsız əyaləti olan Sistan-Bəlucistanda  işsizlik və kasıblıq ucbatından insanların çoxu ailələrini dolandırmaq üçün narkotik maddələrin satışı ilə məşğul olmaq məcburiyyətində qalırlar.

Qeyd edək ki, İran İslam Respublikası ölkə əhalisinin sayına nisbətən həyata keçirdiyi edamların sayına görə dünyada 1-ci yeri tutur.

A.M 
 

SEÇİLMİŞ XƏBƏRLƏR

Çox oxunanlar