İranda daha bir məhkum ictimaiyyət qarşısında edam olunacaq

SON XƏBƏRLƏR

İranda daha bir məhkum ictimaiyyət qarşısında edam olunacaq

2022.04.12, 11:43

Gunaz.tv

Bu son 20 gün ərzində İranın məhkəməsinin ictimaiyyət qarşısında edam edilməklə bağlı verdikləri üçüncü qərardır.

Xurrənabad şəhərinin Ümumi və İnqilab prokuroru Dariyuş Şahnəvənd mediaya verdiyi açıqlamada edama məhkum olunan şəxsin kimliyi barədə açıqlama verməyib.

Lakin onun ötən ilin dekabr ayında polis məmurunu öldürdüyü üçün ölüm cəzasına məhkum olunduğunu deyib.

İran İnsan Haqları Monitorinq Qrupunun yaydığı məlumata görə, 2022-ci ilin mart ayında ölkə üzrə biri qadın olmaqla 39 nəfər dar ağacından asılaraq edam edilib.

Birləşmiş Millətlər Təşkilatı (BMT) bundan əvvəl İranda insan haqlarının pozulması ilə bağlı illik hesabatında təkcə 2021-ci ildə ən azı 275 nəfərin edam edildiyini bildirmişdi.

İnsan haqları təşkilatlarının məlumatına görə, İranda edamların faktiki sayı İran hökumətinin açıqladığı rəqəmlərdən daha çoxdur.

İran İslam Respublikası ölkə əhalisinin sayına nisbətən həyata keçirdiyi edamların sayına görə dünyada 1-ci yeri tutur.

Timur