İnsan haqları təşkilatlarının verdiyi məlumata görə, günorta saatlarından Saqqız şəhərinin fərmandarlığı qarşısında başlayan etiraz aksiyaları axşam saatlarına doğru daha da güclənib.
Etirazçıları dağıtmaq üçün xüsusi təyinatlı qüvvələrin odlu silahlardan və gözyaşardıcı qazdan istifadə etdukləri bildirilir.
İnsan haqları təşkilatları ikisi yeniyetmə və üçü qadın olmaqla ən azı 13 nəfərin yaralandığını, çox sayda etirazçının həbs edildiyini bildiriblər.
Bununla yanaşı etiraz aksiyalarının İranın Kürdüstan əyalətinin mərkəzi Sənəndəc şəhərinə sıçradığı xəbər verirlir.
Məlumata görə, sənəndəclilər küçələrə axışaraq Saqqız şəhərindəki aksiyaçılara dəstək verib və hökumətə qarşı şüarlar səsləndiriblər.
Saqqız və Sənəndəc şəhərlərində İran rəhbəri Əli Xameneyinin fotoları olan banerlər cırılıb, yandırılıb.
Gecə saatlarına olan məlumatlara görə, Saqqızda aksiyalar dağıdılsa da şəhərin fərqli bölgələrində etirazçılar toplaşmağa çalışırlar.
Hər iki şəhərdə internet və mobil telefon xidmətləri məhdudlaşdırılıb, bir sıra bölgələrdə internet xidməti tamamilə dayandırılıb.
Timur
