İranda hava çirkliliyi səbəbindən minlərlə insan həyatını itirir

SON XƏBƏRLƏR

İranda hava çirkliliyi səbəbindən minlərlə insan həyatını itirir

2022.12.12, 10:49

Gunaz.tv

A. Şahsevəni bildirib ki, havanın çirklənməsi 8 milyard dollar iqtisadi ziyana səbəb olub, onun təsirləri isə ölkənin səhiyyə sisteminə 1 milyard dollar ziyan vurub.

O havanın çirklənməsinin artmasında ən mühüm səbəblərindən biri kimi köhnəlmiş avtomobilləri göstərib və ölkədəki avtomobillərin təxminən 45%-nin köhnə olduğunu bildirib.

Abbas Şahsevəni Tehranda və digər böyük şəhərlərdə ötən il ilə müqayisədə havanın çirklənməsinin artması ilə bağlı xəbərdarlıq edib.

İranın Ətraf Mühit Təşkilatının Milli Hava və İqlim Dəyişikliyi Mərkəzinin rəhbəri Daryuş Güləlizadə bir müddən öncə verdiyi açıqlamada ötən il ərzində hava çirkliliyi səbəbindən 21 min nəfərin həyatını itirdiyini deyib.

"Ölkədəki 25 milyon avtomobildən təxminən 6,5 milyon ədəd, 12 milyon motosikletin isə 90 faizə yaxınının köhnə olması hava çirkliliyinin təhlükəli səviyyəyə çatmasına səbəb olur",- deyə, Güləlizadə bildirib.

Qeyd edək ki, son bir ildə İranın paytaxtı Tehran hava çirkliliyi səviyyəsinə görə bir neçə dəfə "dünyanın ən çirkli şəhəri" seçilib.

Timur