İranda koronavirusdan daha 44 nəfər ölüb, 2 103 nəfər xəstəliyə yoluxub

SON XƏBƏRLƏR

İranda koronavirusdan daha 44 nəfər ölüb, 2 103 nəfər xəstəliyə yoluxub – RƏSMİ STATİSTİKA

2021.12.22, 14:03

Gunaz.tv

İran Səhiyyə Nazirliyinin ictimaiyyətlə əlaqələr mərkəzinin bu gün yaydığı məlumatına görə, bununla da İranda indiyə qədər koronavirusdan ölənlərin ümumi sayı 131 min 211 nəfərə, xəstəliyə yoluxanların sayı isə 6 milyon 177 min 885 nəfərə çatıb.

Bildirilir ki, İranda indiyədək 6 milyon 16 min 324 nəfər xəstəlikdən tam sağalaraq evə buraxılıb.

Nazirliyin bildirdiyinə görə, xəstəliyə yoluxan və hazırda vəziyyəti ağır olan 2 min 821 nəfər xüsusi rejimli xəstəxanaların intensiv terapiya şöbələrində müalicəsini davam etdirir.

İran Səhiyyə Nazirliyi sonda bildirib ki, İranda bu günə qədər koronavirus üçün 41 milyon 82 min 66 test aparılıb.

Məlumata əsasən, xəstəliyin geniş yayılması səbəbilə hazırda İranın 53 şəhəri sarı, 395 şəhəri isə mavi vəziyyətdədir.

İranın tibb mərkəzlərindəki müstəqil mənbələr isə Səhiyyə Nazirliyinin gündəlik yaydığı rəsmi statistikasından fərqli olaraq, ölkədə gündəlik koronavirusdan ölənlərin və ona yoluxanların sayının ən azı üç dəfə çox olduğunu bildirirlər.

A.M