İranda müəllim iqtisadi çətinliklər üzündən intihar edib

SON XƏBƏRLƏR

İranda müəllim iqtisadi çətinliklər üzündən intihar edib

2022.02.04, 12:11

Gunaz.tv

Bu barədə İran Müəllimlər Birliyinin sözçüsü Məhəmməd Həbibi cümə axşamı tvitter hesabında bildirib. Məlumata görə, Mustafa Rəncbəran iqtisadi təzyiqlərə dözmədiyi üçün intihar edib. Məhəmməd Həbibi bu olayı İran təhsil ictimaiyyəti üçün böyük faciə adlandırıb.

M.Həbibi müəllimlər, işçilər, təqaüdçülər və öyrəncilər arasında baş verən çox saylı intiharların davam etməsini sistemli qətl adlandırıb və İran hökuməti rəsmilərinin bu intiharlara görə məsuliyyət daşıdığını bildirib.

İran müəllimləri son aylarda dəfələrlə sinfi və iqtisadi durumlarına etiraz əlaməti olaraq oturaq aksiya keçirib, dərsləri dayandırıb və son olaraq yanvarın 31-də ölkənin 300 şəhərində ümumölkə etiraz mitinqlərinə əl atıblar.

Müəllimlərin etirazları ilə bağlı mediaya açıqlama verən İranın təhsil naziri Yusif Nuri isə təhsil işçilərinin qaldırdıqları məsələlərə toxunmadan etirazçı müəllimləri "iğtişaşçı" və "özbaşına" adlandırıb.

Qeyd edək ki, bir müddət bundan öncə İranda Qulamabbas Yəhyapur və Həsən Çinaranı adlı daha iki müəllim əmək haqlarının aşağı olduğu və iqtisadi çətinliklərə dözmədiklərini deyərək intihar ediblər.

C.E

محمد حبیبی، سخنگوی هیئت‌مدیره کانون صنفی معلمان تهران به پلیس امنیت احضار شد - شبکه رسانه ای بیان