İran xəbər agentliklərinin məlumatına görə, zəhərli qaz sızması səbəbindən Cəmdən Firuzabada gedən yol növbəti xəbərdarlığa qədər bağlanıb.
Ölkə rəsmiləri ilkin olaraq yaralıların sayının 5 nəfər olduğunu bildirib.
Lakin qısa müddətdən sonra Fars əyalətinin Təcili Yardım Mərkəzinin rəhbəri Firuzabad natrium karbonat zavodunun çənlərində baş vermiş sızma nəticəsində yaralananların sayının 72-yə, gecə saatlarında isə 112 nəfərə yüksəldiyini açıqlayıb.
İyunun 14-ü səhər saatlarına olan məlumata görə isə xəsarət alanların sayının 150 nəfərə yüksəlib, 40 nəfər isə həyatını itirib.
Məlumatda ərazinin qapalı bölgə elan edildiyi, helikopterlərin yaralı və meyitləri daşıdığı bildirilsə də, rəsmilər ölü sayı barədə yayılan xəbərlərə aydınlıq gətirməyiblər.
Sosial mediada yer alan xəbərlərə görə, çoxlu sayda insanın öldüyü ehtimal edilir.
Qeyd edək ki, Firuzabad natrium karbonat fabriki 2020-ci ilin dekabrında fəaliyyətə başlayıb.
“İRNA” xəbər agentliyi partlayışı çənlərdən birində qaz sızması ilə əlaqələndirib.
Son illər İranın neft-kimya komplekslərində, neft emalı zavodlarında və digər neft müəssisələrində çoxlu oxşar qəzalar baş verib, bu qəzaların əsas səbəbi kimi avadanlıqların köhnəlməsi və ya keyfiyyətinin aşağı olması göstərilib.
Partlayış baş verən zavodda istifadə olunan texnikanın əhəmiyyətli bir hissəsinin İran, bir hissəsinin isə Çin istehsalı olduğu bildirilir.
Cavidan
