SON XƏBƏRLƏR

İranda tibb işçilərinin xaricə axını davam edir

2023.02.08, 10:51
İranda tibb işçilərinin xaricə axını davam edir

Gunaz.tv

Tibb İşçiləri Birliyinin başçısı Məhəmməd Şərifi Müqəddəm mediaya verdiyi açıqlamada hər ay orta hesabla 200 tibb işçisinin ölkəni tərk etdiyini deyib.

O, qeyd etdiyi sayın rəsmi statistikalar əsasında olduğunu, ancaq  mühacirət sayının rəsmi statistikalarda göstərildiyindən daha çox olduğunu bildirib.

Səhiyyə nazirinin müavini Abbas Əbdi isə mühacirət edən tibb işçilərinin dəqiq statistikasının məlum olmadığını deyib.

Lakin ildə ölkədən getmək istəyən təxminən 1250 tibb işçisinin nazirlikdən arayış əldə etmək üçün müraciət etdiyini bildirib.

Beynəlxalq standarta görə, hər 1000 nəfərə ortalama beş-altı tibb bacısı, ən az halda isə 3 tibb bacısı lazım olduğu halda, hazırda İranda hər 1000 nəfərə 1,6 tibb bacısı düşür ki, bu da dünyada nəzərdə tutulan minimumdan da azdır.

Timur

SEÇİLMİŞ XƏBƏRLƏR

Çox oxunanlar