SON XƏBƏRLƏR

İranlı terrorçunun Amerikaya ekstradisiyası ehtimalı var

2022.07.26, 04:29
İranlı terrorçunun Amerikaya ekstradisiyası ehtimalı var

Gunaz.tv

Qeyd olunur ki, Belçikada həbsdə olan iranlı terrorçu Əsədullah Əsədinin Amerikaya ekstradisiyasını tələb oluna bilər.

Bu arada, iyulun 24-də İranın yerli xəbər agentlikləri də İran prezidentinin imzaladığı “İran İslam Respublikası ilə Belçika Krallığı arasında məhkumların mübadiləsi haqqında saziş” qanun layihəsinin hüquqi prosedurlar üçün İran parlamentinə göndərildiyini bildirib.

Ancaq Belçika mediasına görə, Amerikanın mümkün yeni tələbi Əsədullah Əsədinin İrana qayıtmasına mane ola bilər.

Amerika İran və Belçika arasında məhkumların mübadiləsi müqaviləsinə qarşı qətiyyətlə mövqe tutub və "Brussels Times" qəzetinin yazdığına görə, Amerika hesab edir ki, Əsədullah Əsədi amerikalıları da hədəfə aldığından onun ekstradisiyasını tələb etmək üçün Amerikanın hüquqi əsası var. 

İyulun 20-də Belçika parlamentində səsə qoyulan qanun layihəsi 79 lehinə, 41 əleyhinə və 11 tərəfsiz səslə insan haqları təşkilatlarının etirazlarına baxmayaraq Belçika parlamenti İranla məhkumların ekstradiyasiya layihəsini təsdiqləyib qəbul olunub.

Qeyd edək ki, İranın casus-diplomatı Əsədullah Əsədi üç nəfərlə birlikdə 2018-ci ildə Parisdə İran Xalq Mücahidləri Təşkilatının mitinqini bombalamağa cəhddə ittiham olunur.

Belçikada birinci instansiya məhkəməsi 2020-cı ilin fevralında Əsədulla Əsədini 20 il həbsə məhkum edib.

Cavidan

SEÇİLMİŞ XƏBƏRLƏR

Çox oxunanlar