Makron İrandan fransalı məhbusların azad olunmasını tələb edib

SON XƏBƏRLƏR

Makron İrandan fransalı məhbusların azad olunmasını tələb edib

2022.01.31, 12:25

Gunaz.tv

“Makron Rəisi ilə söhbətində yanvar ayında İranda yenidən həbs edilən fransız-iranlı universitet tələbəsi Fəriba Adelxahın və fransalı turist Benjamin Breyerin dərhal azad edilmələrini tələb edib.

Benjamin Breyer ötən çərşənbə axşamı İranda casusluq ittihamı ilə 8 il həbs cəzasına məhkum edilib”-deyə, “Royterz” Yelisey sarayına istinadən yazıb.

Bundan əvvəl İran Prezidentinin katibliyi bəyanat yayaraq, İbrahim Rəisinin Emmanuel Makronla telefonla danışdığını bildirib.

Lakin danışıqlar zamanı Fransa prezidentinin ölkəsinin vətəndaşları ilə bağlı tələbinə toxunmayıb.

Fransa prezidentinin mətbuat katibliyi bazar günü yaydığı məlumatda bildirib ki, Makron İbrahim Rəisi ilə nüvə danşıqılarından danışıb.

Makron nüvə fəaliyyətlərini məhdudlaşdıracağı təqdirdə İrana qarşı sanksiyaları ləğv etmək üçün hələ də razılıq əldə oluna biləcəyini, lakin nüvə danışıqlarının sürətləndirilməsinin lazım olduğunu deyib.

C.E