"Traxtur" azarkeşlərini təhqir edən "Persepolis" futbolçuları məhkəməyə verilib

SON XƏBƏRLƏR

"Traxtur" azarkeşlərini təhqir edən "Persepolis" futbolçuları məhkəməyə verilib

2022.05.21, 11:16

Gunaz.tv

Klub rəhbərliyi Tehran komandasının oyunçusu Səid Aqayinin məhkəməyə verildiyini bildirib.

Qeyd edək ki, sözügedən futbolçu soyunma-geyinmə otağına gedərkən nalayiq əl hərəkətləri ilə "Traxtur" tərəfdarlarına qarşı qeyri-etik və aşağılayıcı hərəkətlər edib.

Açıqlamada həmçinin "Perspolis"in başqa oyunçusu Ümid Alişahın da oxşar hərəkət edərək idmana yaraşmayan və qıcıq doğuran davranışlar sərgilədiyi, hər iki oyunçu barəsində görüntüləri məhkəməyə təqdim olunduğu bildirilir.

Qeyd edək ki, mayın 19-da Təbrizin “Səhənd” (Yadiqari İmam) stadionunda "Traxtur" və Tehranın "Persepolis" komandaları arasında baş tutan qarşılaşma gərginlik yarandığı üçün yarımçıq dayandırılıb.

Tehran komandasının oyunçularının "Traxtur" tərəfdarlarına qarşı qeyri-etik davranışları oyunçular və stadiona toplaşanlar tərəfindən etirazlarla qarşılaşıb.

Cavidan