O, əyalətdə xüsusilə bir sıra tibb sahələrində, o cümlədən anestezioloq kimi sahələrdə ciddi kadr böhranı yaşandığını deyib.
Məsudi hal-hazırda Qərbi Azərbaycan əyalətində 300 anestezioloqa ehtiyac olduğu halda yalnız 30 mütəxəssisin oludunu və 270 həkimin çatışmadığını bildirib.
Tibb Elmləri Universiteti rektorunun müavini bölgələrdə də durumun yaxşı olmadığını, bəzi bölgələrdə yalnız bir mütəxssis həkimin çalışdığını qeyd edib.
Bundan bir müddət öncə Qərbi Azərbaycan əyalətinin Sərdəşt və Piranşəhr mahallarının İran parlamentindəki nümayəndəsi Kamal Hüseynpur əyalətin bir sıra bölgələrində tibb işçilərinin çatışmadığını deyib.
“Bölgədə adi bir anestezioloqun olmaması ucbatından cərrahi əməliyyata ehtiyacı olan insanlar günlərlə sərgərdan qalır və başqa şəhərlərə üz tutmağa məcbur olur”-deyə, millət vəkili bildirib.
Kamal Hüseynpurun sözlərinə görə, Sərdəşt və Piranşəhr mahallarında 125 min nəfər üçün 15 həkim fəaliyyət göstərir.
O, bir sıra xəstəliklərlə bağlı 125 min nəfər üçün bir həkimin qulluq göstərdiyini, hətta on minlərlə əhali üçün bir nevroloqun belə olmadığını qeyd edib.
Hüseynpur deyib ki, adı çəkilən şəhərlərin əhalisi adicə iynə vurdurmaq üçün 300 kilometrə yol qət edərək mərkəzə getməyə məcbur olurlar.
C.E
