SON XƏBƏRLƏR

Qərbi Azərbaycanda minlərlə məktəbli təhsildən kənarda qalıb

2022.01.12, 14:17
Qərbi Azərbaycanda minlərlə məktəbli təhsildən kənarda qalıb

Gunaz.tv

Məhin Mənafi son illərdə əyalətdə 26 min məktəblinin təhsidən uzaqlaşdığını, başçılıq etdiyi idarənin səyləri nəticəsində 4 min məktəblinin təhsilinin bərpa edildiyini deyib.

O, hal-hazırda rəsmi statistikaya görə 22 min məktəblinin təhsilini davam etdirə bilmədiyini bildirib.

Mənafi buna səbəb kimi ictimai, iqtisadi problemləri göstərib və yoxsulluğun artması nəticəsində bir sıra uşaqların məcburi əməyə cəlb edildiyini vurğulayıb. Onun sözlərinə görə, uşaqların təhsildən uzaqlaşmasının əsas səbəblərindən biri də bu amildir.

Qeyd edək ki, bundan iki gün öncə Qərbi Azərbaycanın Rifah İdarəsinin başçısı Səid Fərivər əyalətdə çox sayda azyaşlının məcburi əməyə cəlb olunduğunu bildirib.

Səid Fərivər son vaxtlar başçılıq etdiyi idarənin 1411 məcburi əməyə cəlb olunmuş uşağı və 275 yaşamağa yeri olmayan azyaşlının qeydiyyata alındığını deyib.

Fərivər məcburi əməyə cəlb olunmuş uşaqların çxunluğunun ailələrinin iqtisadi çətinliklərinə görə təhsillərini yarımçıq qoyaraq əmək fəaliyyətinə cəlb olunduqlarını söyləyib.

C.E

 

وزارت آموزش و پرورش

SEÇİLMİŞ XƏBƏRLƏR

Çox oxunanlar