Ərdəbildə kanalizasiya və nəqliyyat problemi: Səlamət Səfəri əhalinin narazı olduğunu bildirib

SON XƏBƏRLƏR

Ərdəbildə kanalizasiya və nəqliyyat problemi: Səlamət Səfəri əhalinin narazı olduğunu bildirib

2021.12.27, 13:23

Gunaz.tv

O, problemin həll olunmamış qalmasının etirazlarla qarşılandığını deyib.

“Əhalinin əsas tələblərdən biri Ərdəbil şəhərinin kanalizasiya sisteminin yenilənməsi və genişləndirilməsidir. Ərdəbilin parlamentdəki nümayəndələri bunun reallaşması ilə bağlı lazimi büdcənin əldə edilməsi istiqamətində addımlar atmalıdırlar”-deyə, komissiyanın başçısı bildirib.

Ərdəbil, Nir və Nəmin şəhərlərinin İran parlamentindəki nümayəndəsi Südeyf Bədrinin iştirakı ilə keçirilən toplantıda çıxış edən Səlamət Səfəri hazırkı dövrdə Ərdəbildə kanalizasiya probleminin ənənəvi üsullarla həll olunmasının təəssüf doğurduğunu söyləyib.

Ərdəbilin nəqliyyat parkının köhnəlib sıradan çıxdığını, yenilənməyə və yeni avtobuslarla təmin olunmağa ehtiyac duyulduğunu deyən Səfəri, bu məqsədlə yalnız 17 yeni avtobusun nəqliyyat parkının ixtiyarına veriləcəyinin nəzərdə tutulduğunu, bunun isə problemin həlli üçün heç bir əhəmiyyət daşımadığını qeyd edib.

Şəhər Şurasının üzvü və mədəniyyət komossiyasının başçısı çıxışının sonunda Ərdəbil şəhərinin yollarının bərbad vəziyyətdə olduğunu, şəhərin görünüşünün yaxşılaşdırılması üçün tədbirlər görülmədiyini, büdcə ayrılmadığını toplantı iştirakçıları və millət vəkilinin diqqətinə çatdırıb.

C.E