Ərdəbildə Omikrona yoluxma artıb: Məktəblər tətilə buraxılıb

SON XƏBƏRLƏR

Ərdəbildə Omikrona yoluxma artıb: Məktəblər tətilə buraxılıb

2022.02.02, 11:04

Gunaz.tv

Ərdəbil əyalətinin vali müavini Rza Qasimiyanın mediaya bildirib ki, məktəblər bir həftəliyinə bağlanıb.

Koronavirusun altıncı dalğasının balşadığını deyən valinin müavini yoluxma sayının çoxalmasının qarşı addımlar atıldığını bildirib.

Onun sözlərinə görə, əyalət valisi Hamid Amili və Koronavirusa Qarşı Mübarizə Qərargahı yeni tədbirlərin həyata keçirilməsi barədə sərəncam verib.

Yanvarın 31-də Şərqi Azərbaycan əyalətinin Baş Təhsil İdarəsidə bildiriş yayaraq koronavirusun geniş yayılması səbəbindən məktəblərin 3 gün müddətinə bağlandığını elan edib.

Qeyd edək ki, son günlər Güney Azərbaycan əyalətləridə daxil olmaqla İranda koronavirusa yoluxanların sayı kəskin artıb.

İran Səhiyyə Nazirliyinin ictimaiyyətlə əlaqələr mərkəzinin fevralın 1-də yaydığı son məlumatına görə, yanvarın 31-dən fevralın 1-ə keçən gecə ərzində koronavirusdan daha 50 nəfər vəfat edib, 35070 nəfər virusa yoluxub.

İranın tibb mərkəzlərindəki müstəqil mənbələr isə Səhiyyə Nazirliyinin gündəlik yaydığı rəsmi statistikasından fərqli olaraq, ölkədə gündəlik koronavirusdan ölənlərin və ona yoluxanların sayının daha çox olduğunu bildirirlər.

C.E