SON XƏBƏRLƏR

Ərdəbildə yolların bağlı olması yeniyetmənin ölümünə səbəb oldu

2022.01.27, 10:11
Ərdəbildə yolların bağlı olması yeniyetmənin ölümünə səbəb oldu

Gunaz.tv

Bir neçə günlük güclü qar yağışından sonra Ərdəbil əyalətinin bir çox kəndlərinin yollarının hələdə açılmaması xəstələnən yeniyetmənin ölümünə səbəb olub.

Bu barədə “Vərziğan Səsi”nə məlumat verən Ərdəbil əyalətinin Hir bölgəsinin “Bilə dərə” kəndinin sakinləri əlaqədar məsullar və qurumların bölgə əhalisinə qarşı laqeydliyindən narazılıqlarını deyiblər.

“Yolların açılmaması səbəbindən kəndin 13 yaşlı sakinini avtomobillə şəhər xəstəxanasına köçürmək mümkün olmadığı üçün əhali onu piyada xəstəxanaya çatdırmağa çalışsalarda bu mümkün olmayıb və yeniyetmə yolda həyatını itirib”-deyə, kənd sakinləri bildiriblər.

Qeyd edək ki, son günlər yağan qar nəticəsində Ərdəbil əyalətinin əksər şəhərlərində nəqliyyatın hərəkətin çətinləşib, yüzlərlə kənd isə tamamilə ətraf aləmdən təcrid vəziyyətinə düşüb.

Yolların açılması üçün yetərli texnikanın olmaması, əhalinin narazılığı bir sıra yerli məsullarıda problemi etiraf etməyə vadar edib.

Ərdəbil valisi Seyid Hamid Amuli əyalətdə belə halların aradan qaldırılması üçün yetərli texnikanın olmadığını deyib.

Ərdəbil şəhərinin bələdiyyə başçısı Mahmud Səfəri şəhər əhalisinin suallarına cavab olaraq bildirib ki, əldə olan texnikalarla şəhərin qardan təmizlənməsi üçün 500 gün vaxt lazımdır.

Bununla yanaşı Ərdəbil şəhərinin cümə imamı Seyid Həsən Amuli İran daxili işlər nazirini Ərdəbilə qarşı diqqətsizliyinə görə qınayıb.

“Necə olur ki, daxili işlər naziri filan əyalətdə meydana gələn sel hadisəsinə görə təcili ora gedir, problemlə yaxından tanış olur və fəsadların aradan qaldırılması üçün təcili olaraq dövlət qarşısında məsələ qaldırır.

Ancaq Ərdəbil əyalətinə gəldikdə adicə telefon edib vəziyyətlə maraqlanmır?”-deyə, Seyid Həsən Amili daxili işlər nazirinin ikili yanaşmasını tənqid edib.

C.E
 

content_image_1643264582.jpg

SEÇİLMİŞ XƏBƏRLƏR

Çox oxunanlar