SON XƏBƏRLƏR

"Pantürkizmə qarşı birləşməliyik"- Kürd partiyası yenidən Qərbi Azərbaycana ərazi iddiası irəli sürüb

2022.07.22, 08:30
"Pantürkizmə qarşı birləşməliyik"- Kürd partiyası yenidən Qərbi Azərbaycana ərazi iddiası irəli sürüb

Gunaz.tv

"Urmiya Kürdüstan coğrafiyasının bir parçasıdır və bütün kürdlər pantürkizm qarşısında birləşməlidir"-deyə, kürd partiyasının nümayəndəsi bildirib.

Adı çəkilən televiziyada Qərbi Azərbaycan əyalətində və əyalətin Makı mahalının Avacıq bölgəsində "İran İslam Respublikası və pantürkizmin demoqrafik tərkibin dəyişdirilməsinə çalışdığı" iddia olunub.

Bununla yanaşı başqa kürd televiziya kanalları da. son günlər Qərbi Azərbaycan əyalətinə olan iddiaları yenidən gündəmə gətirib və səsləndirməyə başlayıblar.

Onlar Qərbi Azərbaycan əyalətinin demoqrafik təribiilə bağlı qondarma xəritələr hazırlayıb və kürdlərin bölgənin əsas aparıcı etnosu kimi qələmə verilməsinə çalışırlar.

Qeyd edək ki, bir neçə gün öncə silahlı mühacir kürdlər Qərbi Azərbaycan əyalətinin Makı şəhərinin Avacıq bölgəsinin Nado kəndinə hücum edib və 3 azərbaycanlını güllələyərək öldürüblər.

PKK terror təşkilatı və başqa silahlı kürd qruplaşmaları Azərbaycan torpaqlarında, İran-Türkiyə sərhədinə yaxın ərazilərdə narkotik vasitələrin qanunsuz dövriyyəsi və qaçaqmalların tranzitinə nəzarət etmək üçün təhlükəsiz zona yaratmağa çalışır.

Cavidan  

SEÇİLMİŞ XƏBƏRLƏR

Çox oxunanlar