Kürd üzvlər Urmu Şəhər Şurasında türkcə çıxışlara etiraz edib

SON XƏBƏRLƏR

Kürd üzvlər Urmu Şəhər Şurasında türkcə çıxışlara etiraz edib

2022.09.07, 08:06

Gunaz.tv

Fəallar bu hadisənin Şəhər Şurasının sözçüsü Tumac Vəhid Əfşarın kürdlər tərəfindən işlədilən "Maksim" taksi şirkətinin elanlarında Urmu adının təhrif olunması və İraqın şimalındakı Dehuk şəhər universitetinin girişinə Azərbaycan torpaqlarını da ehtiva edən "böyük Kürdüstan" xəritəsinin vurulması ilə bağlı dövlət qurumlarına müraciətindən sonra başladıqlarını deyirlər.

Məlumata görə, Şəhər Şurasının üzvü Əli Mustafazadə kürd üzvlərin türkcə çıxışlara etirazlarına cavab verdikdən sonra toplantıda qarşıdurma yaranıb.

"Mürtəza Bəhram və Əli Mustafazadənin türkcə çıxış etdiklərinə görə şuranın kürd üzvləri Sasan İbrahimzadə və SadiqTəvəkkülimehr nümayişkaranə şəkildə toplantını tərk etdilər"-deyə, məlumatda bildirilib.

Qeyd edək ki, Urmu Şəhər Şurasının 11 üzvüvar və onlardan yalnız 3-nün kürd olmasına baxmayaraq toplantılarda çıxışların türk dilində olmasına etiraz edirlər.

Avqustun 18-də Urmunun miliyyətcə kürd olan Sadiq Təvəkkülimehr 11 üzvün 6-nın səsini qazanaraq (Urmiya) Şəhər Şurasının başçısı seçilib.

Bundan öncədə dəfələrlə Urmu bələdiyyəsi və Şəhər Şurasının toplantılarında kürd üzv və işçilər türk dilində çıxışların olmasına etiraz edib və qalmaqal yaradıblar.

Kürdlər yaşayan əyalətdə təhsilin fars dilində olmasına etiraz edən və mərkəzi hökuməti tənqid edən kürd üzvlər dəfələrlə Urmu Şəhər Şurası və bələdiyyə idarəsində "fars dilinin rəsmi dövlət dili" olması bəhanəsini irləi sürüb və bu, qarşıdurmalara səbəb olub.

Timur