Sərhəd Mühafizəsinin yaranmasından 103 il ötür

18.08.2022, 09:15

Azərbaycan Sərhəd Mühafizəsinin yaradılmasının 103 ili tamam olur.

Gunaz.tv Quote | Gunaz article

Azərbaycan Xalq Cümhuriyyətinin yaranmasından sonra 1919-cu ildə milli hökumətin qərarı ilə təsis edilən Hərbi Nazirliyin tərkibində ölkənin bir sıra güc strukturları, o cümlədən Sərhəd Qoşunları fəaliyyətə başlayıb. Sovet İttifaqı dövründə Sərhəd Xidməti Dövlət Təhlükəsizlik Komitəsinin bir strukturu kimi fəaliyyət göstərib.

Azərbaycanın müstəqilliyinin bərpasından sonra milli suverenliyin möhkəmləndirilməsi, dövlət sərhədinin etibarlı mühafizəsinin təşkili, qonşu ölkələrlə sərhədlərinin müəyyənləşdirilməsi dövlət siyasətinin prioritet sahələrindən biri olub.

Sərhəd mühafizə infrastrukturunun təkmilləşdirilməsi, hərbi texnikanın və xüsusi texniki avadanlığın yeniləşdirilməsi, ardıcıl həyata keçirilən islahatlar sayəsində Azərbaycan Sərhəd Mühafizəsinin son illərdə ciddi inkişaf yolu keçərək mükəmməl hərbi qurum səviyyəsinə yüksəlməsinin arxasında dövlət qayğısı, Azərbaycan sərhədçisinə olan inam və etibar dayanır.

Bu gün DSX-nin idarəetmə sistemi xeyli təkmilləşdirilib, müasir radiorabitə və telekommunikasiya sistemlərinin tətbiqi genişləndirilib. 

Dövlət sərhədindən buraxılış məntəqələrində sərhəd nəzarətinin təşkili beynəlxalq standartlar səviyyəsinə qaldırılıb, sərhəd nəzarəti məntəqələrində sənədlərin yoxlanılması üzrə müasir tipli laboratoriyalar yaradılıb. 

Şəxsi heyət dövlət sərhədindən keçən şəxslər və nəqliyyat vasitələri üzərində etibarlı sərhəd nəzarətinin həyata keçirilməsi üçün müasir texniki avadanlıqla təchiz edilib, bütün sərhəd keçid məntəqələrinin avtomatlaşdırılmış məlumat-axtarış sisteminə qoşulması nəticəsində miqrasiya proseslərinin ciddi nəzarətə götürülməsi təmin olunub.


Ali Baş Komandan İlham Əliyev DSX-nin hərbi potensialını nəzərə alaraq, Ermənistan ilə dövlət sərhədinin Qazax və Ağstafa rayonları ərazisindən keçən hissəsindəki döyüş postlarının və müvafiq hərbi obyektlərin qurum tərəfindən təhvil alınması barədə tapşırıq vermişdi. 

Sərhədçilərimizə yüksək etimadın ifadəsi olan və Azərbaycanın dövlət sərhədlərinin tam mühafizə altına götürülməsinin əsasını qoyan bu tapşırığın DSX-nin hərbi qulluqçuları tərəfindən şərəflə icrası, sərhədçilər üçün bu ərazilərin həm sərhəd, həm də səngər olması və burada xidməti-döyüş fəaliyyətinin qurumun Sərhəd Qoşunları tərəfindən təşkili, bu istiqamətdə dövlət sərhədinin mühafizəsi sisteminin yaradılması məqsədilə ardıcıl və dinamik işlər həyata keçirildi. 

Ermənistanla dövlət sərhədinin Qazax və Ağstafa rayonları ərazisindən keçən hissəsini DSX-nin mühafizəyə götürməsi onun bütövlüyünün təmin edilməsinin başlanğıcı oldu. 

Vətən müharibəsi zamanı Müzəffər Ali Baş Komandanın qurumun qarşısında qoyduğu döyüş tapşırıqlarının uğurlu icrası üçün bütün qüvvə və vasitələr tam səfərbər edildi. DSX-nin hərbi qulluqçuları Azərbaycan-İran dövlət sərhədinin 132 kilometrlik hissəsinin, Füzuli, Cəbrayıl, Zəngilan və Qubadlı rayonlarının, Hadrut qəsəbəsinin və Şuşa şəhərinin azad olunmasında şücaət və qəhrəmanlıq göstərdilər.

Vətən müharibəsinin ilk günündən başlayaraq Azərbaycan sərhədçiləri Füzuli rayonu ərazisindəki təmas xəttindən Ermənistanla dövlət sərhədinədək böyük bir ərazini azad etdilər, o cümlədən 24 saat ərzində 105 kilometr məsafədə ildırımsürətli hücumla düşmənə sarsıdıcı zərbələr endirdilər. Qədim Xudafərin körpüsündə və dövlət sərhədlərimiz boyu müqəddəs torpaqlarımıza Azərbaycan bayrağı sancıldı, Ermənistanla dövlət sərhədində strateji yüksəkliklər azad olundu.

DSX tərəfindən “Harop”, “Quzğun” və “Hermes” pilotsuz uçuş aparatlarının peşəkarcasına tətbiqi nəticəsində düşmənin strateji əhəmiyyətli döyüş texnikaları, raket sistemləri, zenit-raket kompleksləri, tankları, zirehli döyüş maşınları və digər texnikası, komanda idarəetmə məntəqələri sıradan çıxarıldı və çoxsaylı canlı qüvvəsi zərərsizləşdirildi, ümumilikdə 290 düşmən hədəfi məhv edildi.

Azərbaycan Respublikasının ərazi bütövlüyü təmin edildikdən, Ermənistan ilə dövlət sərhədi işğaldan azad olunduqdan sonra bu ərazilərdə zəruri sərhəd müdafiə və mühafizə infrastrukturu yaradıldı. Hərbi qulluqçuların xidməti şəraitinin və sosial təminatının yaxşılaşdırılması üzrə kompleks tədbirlər görüldü, bu ərazilərdə yeni hərbi hissələr xidməti-döyüş fəaliyyətinə başladı.


İşğaldan azad edilmiş ərazilərdə dövlət sərhədinin mühafizə və müdafiəsinin təşkili məqsədilə Azərbaycan sərhədçiləri son bir ildə 19 yeni hərbi hissə kompleksini, 110 sərhəd-döyüş məntəqəsini, İranla dövlət sərhədində işğaldan azad olunmuş ərazilərdə 14 sərhəd zastavasının fəaliyyətini bərpa edib. “Eyvazlı” və “Qazançı” dövlət sərhədindən buraxılış məntəqələri inşa olunub, eləcə də “Füzuli” Beynəlxalq Hava Limanında sərhəd nəzarətinin işi təşkil edilib. 

Həmçinin 1452 hektar ərazi mina və partlamamış sursatlardan təmizlənib, nəticədə 1530 ədəd piyada əleyhinə, 1762 ədəd tank əleyhinə mina və 245 ədəd partlamamış hərbi sursat aşkarlanaraq zərərsizləşdirilib. İşğaldan azad edilmiş ərazilərdə 104 kilometr məsafədə yeni yollar çəkilib, 223,7 kilometr məsafədə yolların əsaslı və cari təmiri həyata keçirilib.

 
Son bir ildə Azərbaycana qarşı kəşfiyyat-pozuculuq fəaliyyətinin aşkarlanması istiqamətində həyata keçirilən tədbirlər nəticəsində xarici xüsusi xidmət orqanları tərəfindən əməkdaşlığa cəlb edilən bir nəfər Azərbaycan vətəndaşı sərhədçilərimiz tərəfindən saxlanılıb və altı nəfər şübhəli şəxs qismində müəyyənləşdirilib. Terrorçuluğa qarşı mübarizə tədbirləri çərçivəsində altı nəfər şəxs saxlanılıb. 

Qanunsuz miqrasiya, qaçaqmalçılıq, o cümlədən narkotik qaçaqmalçılığı ilə məşğul olan 14 mütəşəkkil cinayətkar dəstə zərərsizləşdirilib. Sahil Mühafizəsində Azərbaycanın dəniz sərhədlərinin еtibаrlı mühafizəsi təmin edilib. Хəzər dənizində rеjim qаydаlаrınа nəzаrət gücləndirilib və xilasetmə tədbirləri həyata keçirilib.

DSX-nin bütün sahələrdə ardıcıl həyata keçirdiyi islahatların səmərəliliyi ilk növbədə onun xidməti göstəricilərində əksini tapıb. Azərbaycan sərhədçiləri tərəfindən son bir ildə 448 sərhəd pozucusu, 861 isə sərhəd rejim pozucusu, həmçinin 2 min 594 nəfər hüquq-mühafizə orqanları tərəfindən axtarışda olan, beş nəfər özgəsinə məxsus, 289 nəfər saxta sənədlə dövlət sərhədini pozmağa cəhd edərkən saxlanılıb. Ümumi dəyəri təxminən 76 milyon 443 min 870 manat olan qaçaqmalın, o cümlədən 95 min 151 ədəd psixotrop dərman preparatının və 1 ton 14 kiloqram 275 qram narkotik vasitənin dövlət sərhədindən keçirilməsinin qarşısı alınıb.

Bu müddətdə Azərbaycan-Rusiya dövlət sərhədində demarkasiya işləri davam etdirilib, 142 əsas, 44 köməkçi olmaqla ümumilikdə 186 ədəd sərhəd nişanı quraşdırılıb.

Vətən müharibəsində DSX-nin şəhid olmuş hərbi qulluqçuların ailə üzvlərinə lazımi diqqət və qayğı göstərilib, yaralanmış hərbi qulluqçular qurumun Hərbi Hospitalında, respublikamız ixtisaslaşmış tibb müəssisələrində müayinə, müalicə və reabilitasiya olunub. Onlardan ağır yaralanmış hərbi qulluqçular xarici ölkələrdə müalicə edilib. (modern.az)

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

"İranda baş verənlər sistemli qətllərə, ayrı-seçkilik yaradan qanunlara üsyandır"- Beynəlxalq Əfv Təşkilatı

2022-09-29

gun az article

Amerika İrana məxsus pilotsuz təyyarəni vurub

2022-09-29

gun az article

"Tehranda 185 "Bəsic" üzvü yaralanıb"-SEPAH-dan açıqlama

2022-09-29

gun az article

Ancelina Coli İranda etiraz edən qadınlara dəstək verdi

2022-09-29

gun az article

“Erasmus+” 2 proqramının açılış mərasimi keçirilib

2022-09-28

gun az article

Azərbaycan XİN: "Ermənistan bölgədə vəziyyəti gərginləşdirmək istəyir"

2022-09-29

gun az article

İbrahim Rəisi yenidən etirazçıları iğtişaşçı adlandırdı

2022-09-29

gun az article

Sərhədsiz Reportyorlar Təşkilatı İranda 33 jurnalistin həbsdə olduğunu bildirib

2022-09-29

gun az article

İranda etiraz aksiyaları davam edir

2022-09-29

gun az article

İran parlamentinin bir qrup üzvü kütləvi etirazları pisləyən bəyanat yayıb

2022-09-28

gun az article

Fransanın Cənubi Qafqaz üzrə xüsusi nümayəndəsi Azərbaycana gəlir

2022-09-28

gun az article

Kəlbəcərdə Ermənistanın açdığı atəş nəticəsində hərbi qulluqçumuz yaralanıb

2022-09-28

gun az article

İspaniya İranda etirazçılara qarşı qəddarlığa görə bu ölkənin səfirini XİN-ə çağırıb

2022-09-28

gun az article

ABŞ öz vətəndaşlarını Rusiyanı dərhal tərk etməyə çağırıb

2022-09-28

gun az article

Şiraz Universitetində etiraz aksiyası keçirilir-VİDEO

2022-09-28

gun az article

Tehranın 3 zindanına 2 min etirazçı aparılıb

2022-09-28

gun az article

İran yenidən Azərbaycan sərhəddinə yaxın bölgədə terrorçu tutduğunu iddia edib

2022-09-28

gun az article

SEPAH İraqın şimalında müxalif təşkilatların qərargahlarını atəşə tutub

2022-09-28

gun az article

İranın Polis Komandanlığı üsyançıları hədələdi: "Sərt tədbirlər görüləcək"

2022-09-28

gun az article

BMT-nin baş katibi: "Etirazlarda qadın və uşaqlar da daxil olmaqla, həlak olanların sayının artmasından narahatıq"

2022-09-28