Urmunun məşhur idman klubu bağlanmaq ərəfəsindədir

SON XƏBƏRLƏR

Urmunun məşhur idman klubu bağlanmaq ərəfəsindədir

2022.03.10, 08:42

Gunaz.tv

Onun sözlərinə görə, Şəhər Şurasının 9 üzvünün iştirakı ilə keçirilən toplantıda 4 nəfər əleyhinə, 5 nəfər lehinə olmaqla klubun bağlanması barədə qərar qəbul edilib.

Şəhər Şurasının başqa üzvü Mürtəza Mənafi isə toplantının klubda baş verən böhranla bağlı olduğunu, bunun klubun bağlanması anlamına gəlmədiyini deyib.

Şuranın katibi Əhəd Yusifidə həmkarının szlərini təsdiq edib və klubun necə idarə olunması məsələlərini müzakirə etdiklərini söyləyib.

Şəhər Şurası üzvlərinin ziddiyyətli çıxışları bundann öncə klubun bağlanması ilə bağlı irəli sürülən ehtimalları gücləndirir.

Bundan bir müddət öncə Asiya Voleybol Konfederasiyası klublararası Asiya kubokuna Qərbi Azərbaycan əyalətinin mərkəzi Urmu şəhərində keçirilməsi barədə qərar verməsinə baxmayaraq, İran İdman Nazirliyi bunu ləğv edib və yarışların Tehranda keçirilməsinə, Urmunun “Şəhrdari” voleybol klubunun yerinə isə Tehran komandasının çıxış etməsi barədə qərar qəbul edib.

İdman Nazirliyi bunu Azərbaycan klubunun borclarının olduğu ilə əlaqələndirməsi və məsələnin məhkəmədə araşdırılacağı barədə bəyanat verməsi urmuluların narazılığına səbəb olub.

Qeyd edək ki, Qərbi Azərbaycan əyaləti, özəlliklə Urmu şəhəri idman sahəsində daha çox voleybol klubu ilə tanınır.

Urmunun voleybol klublarının oyunçuları İranın milli yığma komandasında olmaqla yanaşı dünyanın müxtəlif tanınmış klublarında da çıxış edirlər.

Bu günə kimi bütün beynəlxalq voleybol yarışlarında İranın əldə etdiyi medalların çoxunluğu Urmu şəhərinin “Şəhrdari” voleybol klubu, onun oyunçularının əməyi nəticəsində qazanılıb.

Ancaq son vaxtlar Azərbaycan klubunda baş verən dəyişikliklər və yaradılan problemlər Urmu klubunun, Təbrizin “Traxtur” futbol klubunun taleyini yaşayacağından xəbər verir.

C.E