Qrossi: "İran həmişəkindən daha mürəkkəb problemə çevrilib"

SON XƏBƏRLƏR

Qrossi: "İran həmişəkindən daha mürəkkəb problemə çevrilib"

2022.10.29, 09:15

Gunaz.tv

Beynəlxalq Atom Enerjisi Agentliyinin baş direktoru Rafael Qrossi İslam Respublikasının uranın zənginləşdirilməsi üçün qurduğu qabaqcıl sentrifuqların sayının artmasına toxunaraq, İranı “problem” adlandırıb və bildirib ki, bu problem həmişəkindən daha mürəkkəbləşib.

MAQATE-nin üzv ölkələrə təqdim etdiyi son məxfi hesabatlarda, beynəlxalq qurum İranın Nətənz və Fərdodakı yeraltı zənginləşdirmə obyektlərində daha çox qabaqcıl sentrifuqalar quraşdırdığını və işlətdiyini bildirib.

Oktyabrın 28-də Vaşinqtonda Karneqi İnstitutunun Beynəlxalq Nüvə Siyasəti Konfransında çıxış edən Qrossi, Ukraynadakı hadisələrə və Zaporojya nüvə problemi ilə bağlı suala cavab əvəzinə birbaşa İran məsələsinə toxunub və İran hələ də problemdir deyib.

Beynəlxalq Atom Enerjisi Agentliyinin baş direktoru bu gün dünya üçün təhlükəyə çevrilmiş İran probleminin mürəkkəbliyinə işarə edərək "Bu problem həmişəkindən daha vacib və mürəkkəb bir çətinliyə çevrilib",-deyə, bildirib.

Timur