Əhməd Həmzəzadə bildirib ki, bunun üçün əyalətdə yerləşən 4 tarixi karvansara haqqında məlumatlar toplusu UNESCO-ya göndərilib.
Onun sözlərinə görə, siyahıya salınmaq üçün Mərəndin “Yam”, Culfanın “Xoca Nəzər”, Miyananın “Camalabad”, və Əhərin “Göycəbel” karvansaralarının adları təqdim edilib.
Ə.Həmzəzadə İran üzrə ümumilikdə 56 karvansaranın UNESCO siyahısında dünya qeydiyyatına alınmaq üçün namizəd olduğunu qeyd edib.
Mədəni İrs, Turizm və Əl İşləri Təşkilatının başçısı sözügedən abidələrə baxış keçirildiyini deyib.
Bildirib ki, oktyabrın 21 və 22-də UNESCO mütəxəssisləri və nümayəndələri də abidələrə baxış keçirmək üçün Şərqi Azərbaycana səfər edəcək.
Bu günə kimi İran üzrə 26 tarixi əsər UNESCO-nun dünya abidələri siyahısına daxil edilib.
Onların arasında Şərqi Azərbaycanın “Qara kilsə” və “Təbrizin tarixi bazar kompleksi”nin adı da var.
C.E
