Təbriz Tibb Elmləri Universitetinin verdiyi son məlumata görə, hal-hazırda Şərqi Azərbaycan əyalətinin Təbriz, Tufarqan, Əhər, Şəbistər, Məlikan, Sərəskənd, Sarab, Heris, Marağa və Culfa şəhərləri koronovirusun yayılma səviyyəsinə görə yüksək təhlükəli qırmızı qrupa salınıb.
Təbriz Tibb Elmləri Universitetinin başçısı Bəhmən Nağızadə son 24 saatda Şərqi azərbaycanda 2035 nəfərin koronovirusa yoluxduğunu, onlardan 165 nəfərin xəstəxanalara yerləşdirildiyini bildirib.
Onun dediyinə görə, hal-hazırda əyalət xəstəxanalarında müalicə olunan koronovirus xəstələrinin sayı 721 nəfər, reanimasiya bölmələrinə yerləşdirilənlərin sayı isə 185 nəfərdir.
Şərqi Azərbaycanda son sutkada daha 10 koronovirus xəstəsinin həyatını itirməsi ilə bu günə kimi əyalətdə virus səbəbindən dünyasını dəyişənlərin ümumi sayı 6965 nəfərə yüksəlib.
C.E
