Şərqi Azərbaycanda elektrik enerjisi istehsalında problemlər var

04.01.2022, 18:30

Şərqi Azərbaycanda elektrik enerjisi istehsalında problemlər var. Şərqi Azərbaycan əyaləti valisinin abadlıq işləri kordinasiyası üzrə müavini Cavad Rəhməti açıqlama verib.

Gunaz.tv Quote | Gunaz article

O, Təbriz ətrafında sənaye müəssisələrinin olduna görə, kvota üzrə Şərqi Azərbaycana elektrik enerjisi payının ayrılmasının lazım olan ehtiyacı ödəmədiyini söyləyib.

“Əyalətdə elektrik enerjisi istehsalının inkişafı ilə əlaqədar fəaliyyətlər istənilən səviyyədə deyil. Bunca illər ərzində yalnız maksimum gücü 509 MVt olan Heris elektrik stansiyası inşa edilib və onun isə ikinci fazası hələdə işə salınmayıb”-deyə, Rəhməti bildirib.

Şərqi Azərbaycanda elektrik enerjisinin çatışmazlığı bir çox sənaye müəssisələrini, özəlliklə poladəritmə sənayesini müflis olmaq təhlükəsi ilə üzləşdirib.

Bu barədə Şərqi Azərbaycan Polad Sənayesi Birliyi İdarə Heyətinin başçısı Kərim Rəhimi açıqlama verib.

O, cari ildə əyalətin sənaye müəssisələrində elektrik enerjisinin 30% azalmasının ciddi problemlər yaratdığını deyib, bir sıra sənaye sahələrinin müflis olmaq təhlükəsi ilə qarşı-qarşıya qalması barədə xəbərdarlıq edib.

“Şərqi Azərbaycanın poladəritmə sənayesi elektrik enerjisinin kəsintisi təqdirdə işi dayandırmağa məcbur olur. Bu sahədə gündəlik elektrik enerjisindən istifadəni azaltmaq mümkün deyil.

Enerji çatışmazlığı sənaye, xüsusilə poladəritmə sənayesi sahəsində geniş ziyanlar vurub və bu vəziyyətin davamı böhranı dahada dərinləşdirəcək”-deyə, Rəhimi bildirib.

Təbrizin Elektrik Enerjisi Tədarükü İdarəsinin nümayəndəsi Seyid İbrahim Əfkari problemin ciddi olduğunu təsdiq edib və bunun qarşıdakı dövr daha da dərinləşəcəyini söyləyib.

“Yayda təxminən 14 min meqavat elektrik enerjisi çatışmazlığı var idi. Bu şəkildə davam etsək, qarşıdakı illərdə 29 min meqavat elektrik enerjisi qıtlığı ilə üzləşəcəyik.

Buna görədə elektrik stansiyalarının tikintisi, təkmilləşdirilməsi və optimallaşdırılması barədə addımlar atılmalıdır”-deyə, Əfkari hökuməti tədbirlər planı hazırlamağa çağırıb.

C.E
 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social