SON XƏBƏRLƏR

Şərqi Azərbaycanda universitet məzunlarının çoxu işsizdir

2022.04.29, 09:13
Şərqi Azərbaycanda universitet məzunlarının çoxu işsizdir

Gunaz.tv

Hüseyn Fəthipur bu barədə aprelin 28-də Şərqi Azərbaycan əyalətində əmək və işəgötürən təşkilatları nümayəndələrinin iclasında çıxışı zamanı bildirib.

O, əyalətdə mütəxəssislərin çox olduğunu, lakin bir sıra problemlər üzündən işsizlik səviyyəsinin azaldılmasının mümkün olmadığını deyib.

Başçı Şərqi Azərbaycanda Universitet məzunlarının 55%-nin işsiz olduğunu bildirib.

Bundan öncə oxşar problemlə bağlı çıxış edən Əhər və Heris şəhərlərinin İran parlamentindəki nümayəndəsi Əhməd Məhərrəmzadə də Şərqi Azərbaycanda işsizliyin ciddi problemə çevrildiyini deyib.

Bölgədə müxtəlif infrastruktur problemlərinin olduğunu vurğulayan millət vəkili bildirib ki, sərmayə cəlb olunması, yeni iş yerlərinin açılması üçün yetərli tədbirlər görülmür.

Şərqi Azərbaycan və Gənclər Baş İdarəsinin gənclər və mədəniyyət işləri üzrə müavini Əmir Tağızadə aparılan sorğulara əsaslanaraq əyalət gənclərinin əksəriyyətinin işsizlik və iqtisadi durumun ağır olmasından gileyləndiklərini demişdi.

“2200 azərbaycanlı gənc arasında keçirdiyimiz sorğunun nəticələrinə görə, gənclərin 69.5%-i əsas qayğılarının iqtisadi problemlər və maliyyə çatışmazlıqları olduğunu deyiblər”-deyə, Tağzadə bildirib. 

Timur
 

SEÇİLMİŞ XƏBƏRLƏR

Çox oxunanlar