Məhəmməd Nəcəfi əyalətdə olan sinif otaqlarının 40%-dən çoxunun köhnə qeyri-standart olduğunu deyib.
Sərəskənd mahalının Qaradiv kəndində xeyriyyəçilər tərəfindən tikilən məktəbin açılışında çıxış edən Nəcəfi hal-hazırda Şərqi Azərbaycanda mövcud olan 24 min sinif otağının ən azı 10 mininin yenidənqurmaya ehtiyacı olduğunu. bunun üçün vəsait çatışmazlığı yaşadıqlarını söyləyib.
O, bununla yanaşı əyalətdə standartlara uyğun olmayan və müvəqqəti işlər üçün nəzərdə tutulan 500 konteyner məktəbin fəaliyyət göstərdiyini qeyd edib.
“Kəndlərdə məktəb tikintisi və bərpasının 30%-nın, şəhərlərdə isə 50%-nın yerli əhali və xeyriyyəçilərin vəsaiti hesabına tikintisi nəzərdə tutulub”-deyə, Nəcəfi dövlətin bu sahəyə yetərincə vəsait ayırmaq gücündə olmadığını vurğulayıb.
Sərəskənd Nəzərkəhrizi bölgəsinin Təhsil İdarəsinin başçısı İsfəndiyar Həsənzadə də çıxışı zamanı bölgədə mövcud olan 86 təhsil ocağının 17-nin konteyner məktəbdən ibarət olduğunu, 30 məktəbin isə dağılmaq üzrə olduğunu bildirib.
57 min əhalisi olan Sərəskənd mahalı Təbrizin 128 kilometr cənub qərbində yerləşir. Burada da başqa yerlərdə olduğu kimi yeni təhsil ocaqlarının çoxunluğunun tikintisi yerli xeyriyyəçilərin vəsaiti hesabına həyata keçirilir.
Qeyd edək ki, uzun illərdir İran hökuməti bir sıra əyalətlərdə, o cümlədən Güney Azərbaycan əyalətlərində yeni təhsil ocaqlarının tikintisi, köhnə məktəblərin təmiri və bərpası üçün vəsait ayırmır.
Təhsil Nazirliyinin yerli nümayyəndəlikləri nazirliyin təhsil ocaqlarına vəsait ayırmaq gücündə olmadığını deyir, problemin həlli üçün yerli əhalinin ianələri və xeyriyyəçilərin yardımlarının lazim olduğunu bildirirlər.
C.E
İsfəndiyar Həsənzadə
