SON XƏBƏRLƏR

Şərqi Azərbaycanda dərslər dayandırıldı: 200 kənd ətrafdan təcrid olundu

2021.12.25, 09:31
Şərqi Azərbaycanda dərslər dayandırıldı: 200 kənd ətrafdan təcrid olundu

Gunaz.tv

Yollar buz bağlayıb, nəqliyyatın hərəkəti çətinləşib. Bir sıra nəqliyyat vasitələri yollarda qalıb. Hava şəratinin kəskin pisləşməsi ilə əlaqədar məktəblərdə dərslər dayandırılıb. 

Bu barədə əyalətin Yollar və Yükdaşıma Nəqliyyatı İdarəsinin başçısı Orucəli Əlizadə açıqlama verib.

O, Sərəskənd, Çaroymaq bölgələrində 150, Əhər, Vərziğan və Mərənddə isə 50 kəndin yolunun bağlandığını, ümumilikdə 200 kəndin ətrafdan təcrid olunduğunu deyib.

Təhsil İdarəsi bir çox bölgələrdə, o cümlədən Əhər, Türkmənçay, Culfa, Ocan, Horand, Sarab, Vərziğan, Kəleybər, Xoca, Xarvana,Tikmədaş, Sərəskənd, Şəbistər, Təsuc, Mehriban, Üsküdə növbəti bildirişə qədər məktəblərin bağlandığına dair açıqlama yayıb. 

Sosial media fəalları yolların açılması üçün cəlb olunan texnikanın yetərsiz və köhnə olduğunu, nəqliyyatın hərəkətinin bərpa olunmasının uzun zaman alacağını yazıblar. 

 

Açıklama yok.

C.E

SEÇİLMİŞ XƏBƏRLƏR

Çox oxunanlar