SON XƏBƏRLƏR

Ruhani: “Regiondan amerikalıların ayaqları kəsiləcək”

2021.10.20, 07:36
Ruhani: “Regiondan amerikalıların ayaqları kəsiləcək”

Gunaz.tv

GünAz TV: Həsən Ruhani hökumət kabinetinin iclasında ölkəsinin Amerikanın İraqda yerləşən bazalarına hücumunu şərh edib.

 

O, digər rəsmilər kimi, hücumun “Qüds Briqadası”nın komandanı Qasım Süleymaninin öldürülməsinə cavab xarakteri daşıdığını deyib.

 

“Qasım Süleymaninin əlinin kəsilməsi kimi, amerikalıların da regiondan ayağı kəsiləcək. Siz Süleymaninin əlini bədənindən ayırdınız, sizin də regiondan ayağınız kəsiləcək”,- deyə Ruhani əlavə edib.

 

Xatırladaq ki, İran bu gün axşam saatlarında “şəhid Süleymani” əməliyyatı adı altında Amerikanın Bağdadda yerləşən Ayn-əl-Əssəd hava bazası və Ərbildə yerləşən digər bazasını raket atəşinə tutub.

 

Ə.A

SEÇİLMİŞ XƏBƏRLƏR

Çox oxunanlar