SON XƏBƏRLƏR

ABŞ səfiri: “Azərbaycanlılar hər zaman dağ yəhudilərinə qucaq açıb”

2022.05.23, 17:03
ABŞ səfiri: “Azərbaycanlılar hər zaman dağ yəhudilərinə qucaq açıb”

Gunaz.tv

Qırmızı Qəsəbədə Qırmızı Qəsəbə Yəhudilərinin Ənənəvi Evinin bərpası layihəsinin açılışı zamanı çıxış edən səfir bildirib ki, bu layihə Azərbaycanda mədəni müxtəlifliyin bariz nümunəsi olacaq və turistlərin diqqətini çəkəcək:

“Burada Azərbaycan, ABŞ və İsrail bayraqlarının yanaşı dayanması məndə çox dərin təəssürat yaradır. Bu üç bayraq dini tolerantlıq və multikulturalizm siyasətinin əsas qayəsi, istiqaməti seçən ölkələri təmsil edir. Tolerantlıq bir-birimizin fərqliliklərini anlamaq və buna dözmək deyil. 

Bu müxtəliflikləri qeyd etmək və bəşəriyyətin dəyərləri olan bu fərqlilikləri qucaqlamaqdır. Biz bundan əvvəl də Heydər Əliyev Fondu və İsrail səfirliyi ilə ayrı-ayrılıqda bir sıra layihələr həyat keçirmişik. Amma bu üç qurumun birlikdə həyata keçirdiyi ilk layihə olacaq. Bununla da daha bir ənənənin əsası qoyulur.

Mən fəxr hissi duyuram ki, ABŞ və İsrail Azərbaycanın dostları kimi bu ölkənin zəngin tarixinə, əsrarəngiz təbiətinə, gözəl insanlarına dəstək olur. Heydər Əliyev Fonduna həm Azərbaycanda, həm də ölkədən kənarda, dünya miqyasında gördüyü işlərə görə təşəkkür edirəm”.

Səfir qeyd edib ki, azərbaycanlılar hər zaman dağ yəhudilərinə qucaq açıb: “Bu dediyim fakt da özlüyündə dünyanın hər yerində müxtəlif dini və etnik mənsubiyyətə malik olan insanların birgə dostluq və mehribanlıq şəraitində yaşayışının əhəmiyyətini bir daha vurğulayır.

Qırmızı Qəsəbə Azərbaycanın multikultural mahiyyətini və quruluşunu dünyaya göstərməyə unikal imkan yaradır”.

Ayxan

Açar Sözlər :

SEÇİLMİŞ XƏBƏRLƏR

Çox oxunanlar