Sahindejdə dəhşətli partlayış: 30 ticarət obyekti və yaşayış evinə ağır ziyan dəyib, xəsarət alanlar var

SON XƏBƏRLƏR

Sahindejdə dəhşətli partlayış: 30 ticarət obyekti və yaşayış evinə ağır ziyan dəyib, xəsarət alanlar var - GÖRÜNTÜ

2021.10.20, 07:36

Gunaz.tv

GünAz TV: Güney Azərbaycanın Şahindej (Sayın Qala) şəhərində qaz sızmasının səbəb olduğu dəhşətli partlayış 4 nəfərin yaralanması və 30 ticarət obyekti və yaşayış evinə ağır ziyan vurmaqla nəticələnib.

Şahindejin yerli kanallarında yayılan video və görüntülər baş verən partlayışın çox şiddətli olduğunu göstərir.

https://www.youtube.com/watch?time_continue=1&v=qScObAmzQZ4

Kütləvi informasiya vasitələri hadisənin şahidlərinə istinadən bildirir ki, partlayış hadisə yerindən 150 metr radius çərçivəsində yaşayış evləri və ticarət obyektlərinə ziyan vurub.

Şahindeji Yanğınsöndürmə Mərkəzinin rəisi Nurbeygi isə bu barədə bazar günü “İsna” xəbər agentliyinə danışıb.

“Hadisə şənbə günü Şahindejin “Qızıl Nav” məntəqəsinin şəhid Qomi xiyabanında baş verib, partlayış nəticəsində 30 ticarət obyekti və yaşayış evinə ziyan dəyib. Ev və obyektlərə dəyən ziyan təxminən 20-80 faiz arasıdır”- deyə o bildirib.

Hadisənin qaz sızması nəticəsində baş verdiyini deyən Nurbeygi partlayış nəticəsində 4 nəfərin müxtəlif dərəcəli bədən xəsarəti aldığını bildirib. Onun sözlərinə görə, xəsarət alanlardan birinin vəziyyəti ağırdır, o hazırda komadadır.