Şəbüstərdə güclü yanğın baş verib- 1 nəfər yanaraq ölüb

SON XƏBƏRLƏR

Şəbüstərdə güclü yanğın baş verib- 1 nəfər yanaraq ölüb

2021.10.20, 07:36

Gunaz.tv

GünAz TV: Şəbüstərin Dizəc Xəlil adlanan təsərrüfat torpaqlarında baş verən güclü yanğın nəticəsində bir kişi yanaraq faciəvi şəkildə ölüb, onun xanımı isə ağır yanıq xəsarətləri alıb.

“Cavan Jurnalistlər Klubu”nun yaydığı məlumata əsasən, bağ suvaran 75 yaşlı kişi birdə özünə məxsus əkin sahəsində yanğın başladığını görüb. Bundan sonra o və həyat yoldaşı birlikdə yanğını söndürməyə çalışıblar.

Lakin ərazi quru otlardan ibarət olduğundan və güclü külək əsdiyindən, yanğın qısa müddətdə ətrafa yayılıb və onlar alovların içərisində qalıblar.

Yoldan keçən bir nəfər xanımı xilas edib, xəstəxanaya çatdıra bilsə də, yaşlı kişini qurtarmaq mümkün olmayıb və o, alov içərisində yanaraq faciəvi şəkildə dünyasını dəyişib.

Son günlər güclü istilər və əkin sahələrində otların qurumasına görə, bir çox bölgələrdə oxşar hadisələr baş verib.

Ə.A