GünAz TV: Şimali Karolina ştatından olan respublikaçı senator Lindsey Qraham prezident Donald Trampı İrana qarşı mümkün olan ən güclü mesajı verməyə hazır olmağa çağırıb.
O bildirib ki, buna səbəb İranın nüvə razılaşmasında nəzərdə tutulmuş zənginləşdirilmiş uran depolamaqla bağlı həddi aşmasıdır.
“CBC” telekanalına müsahibə verən senator İranın 1 həftə sonra uranı zənginləşdirməyə başlamasının ciddi təhlükə olduğunu və buna göz yumulmayacağını ifadə edən ən güclü mesajların rəsmi Tehrana verilməsinin zəruri olduğunu vurğulayıb.
Qeyd etmək lazımdır ki, İran bir müddət öncə nüvə razılaşması çərçivəsində üzərinə götürdüyü bəzi öhdəlikləri azaldacağını bəyan edib. Bu bəyanata əsasən, rəsmi Tehran nüvə razılaşması çərçivəsində nəzərdə tutulmuş 300 kiloqram civarında zənginləşdirilmiş uran depolama həddini aşacağını və Ərak ağır su reaktorunda modernləşdirmə işlərinə başlayacağını bildirib.
Ə.A
