“Sepah” etirazlar zamanı həbs edilən 3 oğlan məktəbliyə cinsi təcavüz edib

SON XƏBƏRLƏR

“Sepah” etirazlar zamanı həbs edilən 3 oğlan məktəbliyə cinsi təcavüz edib

2021.10.20, 07:36

Gunaz.tv

GünAz TV: İran insan haqları fəalları “Sepah” terror təşkilatının işçilərinin noyabr etirazları zamanı Mərivan şəhərində tutduqları 3 oğlan məktəbliyə qarşı seksual xarakterli hərəkətlər etdikləri barədə məlumat yayıblar.

Məlumatda bildirilir ki, “Sepahçı”ların 18 yaşdan kiçik olan həmin yeniyetmələr üzərində etdikləri həmin alçaldıcı hərəkətlər və onları dəyənəklə zorlamaqla bağlı təhdid etmələri sübuta yetirilib. Daha sonra vəsiqə ilə azadlığa buraxılan həmin yeniyetmələri müstəntiqlər təhdid edərək bildiriblər ki, əgər başlarına gətirilənləri kiməsə desələr, daha ağır işgəncələrə məruz qalacaqlar.

Fəallar həmçinin qeyd edirlər ki, etirazların ən qızğın vaxtında, yəni noyabrın 16 və 17-də Mərivanda çoxlu sayda yeniyetmə saxlanılıb və onlara “Sepah”ın müvəqqəti saxlanma təcridxanalarında dəhşətli psixoloji və fiziki işgəncələr verilib.

Xatırladaq ki, noybar etirazları zamanı güney azərbaycanlı uşaqlar da daxil olmaqla, təxminən 18 nəfər azyaşlı təhlükəsizlik qüvvələri tərəfindən güllələnərək qətlə yetirilib. Eləcə də, çoxlu sayda yeniyetmə həbs edilib.

Ə.A