“Sərhəd Azərbaycanı” əyalətinin yaradılması planı yenidən gündəmə gəlib – təklif layihəsi parlamentin komissiyalarına təqdim olunub

05.09.2019, 12:24

GünAz TV: Azərbaycan əhalisi və bir neçə millət vəkilinin etirazına baxmayaraq Qərbi Azərbaycanın parçalanması planı yenidən gündəmə gətirilib.

 

Məlumata görə, Mərkəzi Xoy şəhəri olmaqla “Sərhəd Azərbaycanı” (“Azərbaycan-i mərzi”) əyalətinin yaradılması ilə bağlı təklif layihəsi Xoy şəhərinin sözdə milət vəkili Tağı Kəbiri tərəfindən İran parlamentinin komissiyalarına təqdim olunub.

 

O bu barədə “Məclis və Azərbaycan” agentliyinə danışıb.

“Bəzi millət vəkillərinin etirazına rəğmən “sərhəd Azərbaycanı” əyalətinin təsis edilməsi ilə bağlı təklif layihəsi nəhayət ki, sentyabrın 3-də parlamentin komissiyalarına təqdim olundu. Ölkənin daxili işləri və şuralar, həmçinin ictimai, mədəni, milli təhlükəsizlik və xarici siyasət komissiyalarına (alt komissilayardır) təqdim olunan təklif layihəsi 35 deputat tərəfindən imzalanıb.”- deyə o bildirib.

Onun sözlərininə görə, Xoy şəhəri təklif olunan əyalətin mərkəzi kimi, Çaypara, Makı, Şot, Poldəşt, Çaldıran və Salmas isə əyalətin şəhərləri kimi təklif olunub.

 

Hökumətin əlaltısı kimi tanınan millət vəkili bir çox şəhərin Qərbi Azərbaycanın mərkəzi şəhəri Urmiyədən uzaq məsafədə yerləşməsini, yeni əyalətin yaradılmasına əsas səbəb kimi göstərib.

 

Parlamentin Rəyasət Heyətinin üzvü Əliəsğər Yusifnəjad avqustun 17-də sözügedən təklif layihəsinin parlamentə təqdim olunduğunu açıqlamışdır. Bundan sonra azərbaycanlılar və bəzi yerli millət vəkilləri Qərbi Azərbaycanın parçalanması planına kəskin qarşı çıxdılar.

Bunun ardınca avqustun 18-i səhər saatlarında təklif layihəsini təqdim edən Tağı Kəbirinin Qərbi Azərbaycan Deputatlar Birliyinin rəisi postundan kənarlaşdırıdığı ilə bağlı xəbər yayıldı. Xoyun millət vəkili Deputatlar Birliyinə üzv millət vəkillərinin əksəriyyətinin səsi ilə tutduğu vəzifədən uzaqlaşdırıldı və onun yerinə Salmasın millət vəkili Şəhruz Bərzgər seçildi.

 

Qərbi Azərbaycan Əyalətinin parçalanması planına Urmiyənin millət vəkilləri Nadir Qazipur, Hadi Bahaduri, Ruhulla Həzrətpur, Culfa və Mərəndin millət vəkili Məhəmməd Həsənnəjad, Təbrizin millət vəkili Əhməd Əlirzabeygi və daha bir neçə deputat etiraz bildirmişdir.

 

Mətbuata açıqlama verən millət vəkilləri Tağı Kəbirinin irəli sürdüyü təklif layihəsini onun seçki təbliğatına xidmət etdiyini və növbəti seçkilərdə rəqiblərinə qalib gəlmək məqsədi ilə gündəmə gətirildiyini bildirmişdilər.

 

“Xoyun millət vəkili tərəfindən parlamentə təqdim olunan təklif layihəsi bir neçə deputat tərəfindən imzalanmışdır. Lakin deputatlar ardıcıl imzalarını geri götürür. Onlar yenə də buna qarşı çıxacaq. Həmçinin bu parlamentin ömrü sözügedən təklif layihəsini müzakirə etməyə çatmayacaq.”- deyə Nadir Qazipur vurğulamışdır.

 

Ruhulla Həzrətpur da həmkarına oxşar açıqlama ilə çıxış etmişdir. O bildirib ki, təklif layihəsi 67 deputat tərəfindən imzalanıb. Lakin məsələyə aydınlıq gətirildikdən sonra onların əksəriyyəti imzasını geri götürüb. Artıq təklif layihəsi üçün yetəri qədər imza qalmayıb.

 

Hadi Bahaduri isə bəyan etmişdir ki, yeni əyalətin harada yaranacağı sual altındadır. Çünki, əyalətdə yerləşəcək Salmas və Makının millət vəkilləri də bu təklifə qarşı çıxır. Ona görə də təklif layihəsini imzalamaq üçün Kirman, Sistan və Bəluçistan və mərkəzi Əyalətlərinin deputatlarına müraciət edirlər.

 

Məhəmməd Həsənnəjad isə Qərbi Azərbaycan Əyalətinin o qədər də böyük olmadığını, ona görə də əyalətin içində yeni əyalətin yaradılmasına ehtiyac olmadığını diqqətə çatdırmışdır. O bildirib ki, söhbət yeni əyalətin yaradılmasından gedirsə, yəqin ki, Fars, İsfahan, Kirman, Yəzd və s. kimi əyalətlər gündəmə gəlməlidir.

 

Təbrizin millət vəkili Əhməd Əlirzabeygi də sözügedən təklifə qarşı olduğunu bildirmişdir. “Belə təkliflər adətən seçkiqabağı ortaya çıxır. Biz buna qarşıyıq. Sabitsizlik yaradan və təhlükəsizlik problemlərinə səbəb olan istənilən layihə parlamentdə təsdiqlənməməlidir.”- deyə o vurğulayıb.

 

 

 

 

 

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Qərbi Azərbaycan əyalətində onlarla kəndin yolu bağlanıb

2022-01-28

gun az article

Zənganda dəmir yolu işçiləri tətilə başlayacaq-4 aydır onların əmək haqqı verilmir

2022-01-28

gun az article

Sərəskənddə inşasına 15 il bundan öncə başlanan “Səhənd” su bəndinin tikintisi yarımçıq qalıb

2022-01-28

gun az article

Qəzvinin sement zavodunda güclü yanğın -VİDEO

2022-01-28

gun az article

Həmədanda yol qəzalarında ölənlərin sayı artıb

2022-01-28

gun az article

Ərdəbildə yolların açılması üçün texnika çatışmır

2022-01-28

gun az article

Qərbi Azərbaycanda kənd adı kürdləşdirilib

2022-01-28

gun az article

İranın dövlət televiziyasına kiber hücum edilib

2022-01-28

gun az article

Əlirza Fərşi “Bina” xəstəxanasına aparılıb: Milli fəal gözündən əməliyyat olunub

2022-01-28

gun az article

Təbrizdə türk dilində "Koroğlu" tamaşası səhnəyə qoyulub

2022-01-28

gun az article

Güney azərbaycanlı dəmir yolu işçiləri tətil aksiyasına başlayır

2022-01-27

gun az article

Qərbi Azərbaycanda istehsal müəssisələrinin çoxu fəaliyyətini dayandırıb

2022-01-27

gun az article

Urmu zindanında iki nəfər edam edilib

2022-01-27

gun az article

Ərdəbil əyalətinin su və kanalizasiya xətləri köhnədir

2022-01-27

gun az article

Məlikanda bir neçə hökumət məmuruna qarşı cinayət işi açılıb

2022-01-27

gun az article

Şərqi Azərbaycanda koronovirusun yeni ştammına yoluxanlar çoxalıb-Ölənlər var

2022-01-27

gun az article

Ərdəbildə yolların bağlı olması yeniyetmənin ölümünə səbəb oldu

2022-01-27

gun az article

Urmu gölünün sahəsi dahada kiçilib

2022-01-27

gun az article

Xoy zindanında saxlanılan milli fəal sərbəst buraxılıb

2022-01-27

gun az article

Qərbi Azərbaycanda 6 tarixi abidə milli əsərlər siyahısına salındı

2022-01-26