GünAz TV: Texniki spirt Şərqi Azərbaycanın Binab şəhərində 3 nəfərin ölümünə səbəb olub.
Bu barədə Binab Şəhər Səhiyyə İdarəsinin müdiri Əli Nəyyerpur mətbuata məlumat verib.
“Təəssüflər olsun ki, binab şəhərində texniki spirt içən 6 nəfər zəhərlənib, onlardan 3-ü həyatını itirib.”- deyə o bildirib.
Ötən günlərdə İran və Güney Azərbaycanda spirtin koronavirusun qarşısını alması ilə bağlı şayiələr yayılıb. Bundan sonra bir çoxları şayiəyə inanaraq spirt içməyə başlayıb.
Bu barədə Əli Nəyyerpur bildirib ki, texniki və hətta tibbi spirtin koronavirusun qarşısını almaqda heç bir rolu yoxdur. Əksinə spirt içən insan görmə qabliyyətini itirə bilər. Spirt həmçinin qaraciyər, böyrək və digər orqanları sıradan çıxarıb, insanın ölümünə səbəb ola bilər.
Binab Şəhər Səhiyyə İdarəsinin müdiri əhalini tövsiyyə edilən qaydalara riayət etməyə çağıraraq dezinfeksiya vasitələrini etibarli yerlərdən almağı məsləhət görüb.
Qeyd edək ki, koronavirus epidemiyası yayıldığı günlərdə Ərdəbil və Həmədan əyalətlərində də çox sayda insan texniki spirtdən zəhərlənmişdir. Zəhərlənənlərdən 19-ü Ərdəbildə, 5-i isə Həmədanda həyatını itirib.
N.S
