Səudiyyə hökuməti: “Husilərin Ər-Riyada atdığı İran raketini səmada məhv etmişik”

SON XƏBƏRLƏR

Səudiyyə hökuməti: “Husilərin Ər-Riyada atdığı İran raketini səmada məhv etmişik”

2021.10.20, 07:36

Gunaz.tv

GünAzTV: Səudiyyə Ərəbistanının İnformasiya Nazirliyi dekabrın 19-da İran tərəfdarı olan şiə-husilrin Yəməndən Ər-Riyada atdığı yeni “Borkan H2” (Atəşfəşan) ballistik raketi barədə bəyanat yayıb.

Nazirliyin məsələ ilə bağlı bəyanatı, yaraqlı husilərin sözçüsü, Məhəmməd Əbdülsəlamın həmin gün “Twitter” səhifəsində Ər-Riyada atdıqları yeni raketlə bağlı xəbər yaymasından bir neçə saat sonraya təsadüf edib.

Bəyanatda bildirilir ki, şiə-husilərin Yəməndən Ər-Riyada atdığı İran raketi, paytaxt səmasında Səudiyyə Ərəbistanının hava qüvvələri tərəfindən məhv edilib: “Ərəb koalisiyası qüvvələri atılan raketin səmada məhv edildiyini artıq təsdiqləyiblər. Səudiyyə Kralının Yəmamə sarayına atılan raket, səmada məhv edildiyinə görə hər hansı bir insan tələfatı qeydə alınmayıb”.

ABŞ-ın BMT-dəki daimi nümayəndəsi Nikki Haley

Hadisədən az sonra jurnalistlərə açıqlama verən ABŞ-ın BMT-dəki daimi nümayəndəsi Nikki Haley, məsələyə münasibət bildirərək deyib ki, dekabrın 19-da Ər-Riyada atılan “Borkan H2” raketi, İranın bundan əvvəl husilərə verdiyi və onların Səudiyyə paytaxtına qarşı əvvəlki hücumlarında istifadə etdiyi raketlərə bənzəməsi ilə yanaşı eyni nişanələrə malikdir”.

A.M