GünazTV: İranın Sistan-Bəlucistan əyalətinin Səravan şəhərində hökumət qüvvələri ilə narkotik qaçaqmalçılari arasında baş verən silahlı qarşıdurmada 3 qaçaqmalçı və 1 “Bəsic” muzdlusu həlak olub.
Yayılan məlumata əsasən, hadisə, aprelin 20-si axşam saatlarında Səravan şəhərinin ətrafında baş verib. Bölgədə reyd keçirən yerli “Qüds” qərargahı qüvvələri ilə yaraqlı qaçaqmalçılar arasında qarşıdurma yaranıb. Atışma nəticəsində 3 qaçaqmalçı, eləcə də “Bəsic” təşkilatının 1 muzdlusu həlak olub.
Digər qaçaqmalçıların hadisə yerindən qaça bildiyi qeyd olunur. Silahlı qarşıdurmada öldürülən “Bəsic” muzdulusunun adı və hadisədə mümkün yaralıların olub-olmaması barədə hər hansı bir məlumat yayılmayıb.
A.M
