SON XƏBƏRLƏR

"SEPAH terror əməliyyatlarında quldurlardan istifadə edir"-İsrail rəsmisi

2022.07.09, 07:23
"SEPAH terror əməliyyatlarında quldurlardan istifadə edir"-İsrail rəsmisi

Gunaz.tv

Adının açıqlanmasını istəməyən təhlükəsizlik rəsmisi Türkiyədə İsrail vətəndaşlarına qarşı planlaşdırılan terror əməliyyatlarında bir neçə mafiya və quldur dəstəsinin ifşa edilməsini buna nümunə olaraq göstərib.

"SEPAH-ın Qüds qüvvələri və kəşfiyyat bölməsi Kipr, Türkiyə və Cənubi Amerikada narkotik qaçaqmalçıları, mafiya qruplaşmaları, qatillər və adi cinayətkarlardan geniş şəkildə istifadə edir"-deyə, o bildirib.

Xatırladaq ki, son aylarda İranın bir sıra şəhərlərində SEPAH-ın yüksək rütbəli zabitləri öldürülüb.

İran rəsmiləri bunu İsrail kəşfiyyatı ilə əlaqələndirib və intiqam alınacağını bildirib.

Bundan sonra hərəkətə keçən İran rejimi bu istiqamətdə Türkiyədə İsrail vətəndaşlarına qarşı terror aktları törətmək istəsə də, bu hücumların qarşısı Türkiyə kəşfiyyatı (MİT) tərəfindən alınıb və bir neçə şəxs saxlanıb.

Həmin agentlərin SEPAH-ın Qüds qanadının üzvləri olduğu aydın olub. 

Timur
 

SEÇİLMİŞ XƏBƏRLƏR

Çox oxunanlar