İsrailin Azərbaycandakı səfiri Güney azərbaycanlı idmançıya status həsr edib

SON XƏBƏRLƏR

İsrailin Azərbaycandakı səfiri Güney azərbaycanlı idmançıya status həsr edib

2022.07.09, 19:40

Gunaz.tv

“Səid Mollai iranlı dünya çempionudur. Hökuməti ona israillilərlə yarışmağa icazə vermədiyi üçün ölkəsindən qaçmaq məcburiyyətində qalıb.

Bu gün o, Azərbaycanı təmsil edərkən, israilli cüdoçu Saqi Muki ilə qarşılaşıb və görüşün sonunda bizim idmançımızla qucaqlaşıb. Kim uddu? Azadlıq”, deyə, İsrailin Azərbaycandakı səfiri yazıb.

İlk paylaşımından bir neçə dəqiqə sonra Corc Dik Twitter səhifəsində yenidən paylaşım edərək Səid Mollainin Azərbaycan əsilli lduğu barədə yazıb.

"Mən indicə öyrəndim ki, Səid Mollai əslində etnik azərbaycanlıdır və o özünü belə təqdim edir. Onun israilli çempion Muki ilə cəsarətli dostluğu bizim bütün azərbaycanlılarla dostluğumuzun nümunəsi, heç bir rejimin söndürə bilməyəcəyi ümid və azadlığ çrağıdır"-deyə, səfir bildirib.

Qeyd edək ki, Səid Mollai 26 dekabr 1991-ci ildə Güney Azərbaycanın Qəzvin əyalətinin Avuc (Abgərm) şəhərində anadan olub.

O, 2019-cu ildə Tokioda keçirilmiş dünya çempionatında İsrail təmsilçisi Saqi Muki ilə final görüşünə çıxmamaq üçün İran Cüdo Federasiyası və İran Olimpiya Komitəsi tərəfindən təzyiqlə üzləşib.

Bunun nəticəsində cüdoçu yarışlarda İranın bayrağı altında çıxış etməkdən imtina edib və hazırda Azərbaycan milli komandasının heyətində yarışlara qatılır.

Cavidan