Status məsələsinin müzakirəsi yanlışdır

Aa Aa

"Status məsələsinin müzakirəsi yanlışdır" Akif Nağı: "Münaqişənin danışıqlarla həlli üçün rəsmi Bakı konkret zaman kəsimi- 1 il və ya 6 ay müəyyənləşdirməliydi" Xarici işlər naziri Elmar Məmmədyarov Sankt-Peterburq görüşü barədə danışıb. O bildirib ki, E

Gunaz.tv

"Status məsələsinin müzakirəsi yanlışdır" Akif Nağı: "Münaqişənin danışıqlarla həlli üçün rəsmi Bakı konkret zaman kəsimi- 1 il və ya 6 ay müəyyənləşdirməliydi" Xarici işlər naziri Elmar Məmmədyarov Sankt-Peterburq görüşü barədə danışıb. O bildirib ki, Ermənistanın mövqeyində bəzi yeni məqamlar var. Elmar Məmmədyarovun sözlərinə görə, danışıqlarda tam fərqli olmasa da, yeni nüanslar əmələ gəlib: "Biz Madrid təklifləri ətrafında işləyirik. Bəzi məqamlar var ki, razılaşdırmamış, amma bu, prinsipial xarakter daşıyır. İndi vaxt lazımdır ki, iş aparılsın". Nazir Azərbaycanın ərazi bütövlüyü çərçivəsində kompromisə hazır olduğunu da söyləyib. Bu kompromis birincisi, münaqişənin sülh yolu ilə həllinə sadiqlik, ikincisi isə Dağlıq Qarabağa ən yüksək muxtariyyət statusu verilməsi ola bilər. Ramiz Mikayıloğlu "Dəfələrlə Ermənistana çatdırmışam ki, dünyada muxtariyyətin hansı modeli varsa, gəlin, onun üzərində işləyək. İstəyirsiniz, Tatarıstan variantını götürək. İstənilən model üzərində işləməyə hazırıq". Məsələylə bağlı fikirlərini öyrəndiyimiz Qarabağ Azadlıq Təşkilatının (QAT) sədri Akif Nağı deyir ki, bunların hamısı rəsmi Bakının danışıqlarda çox qətiyyətsiz mövqe tutmasından xəbər verir. Danışıqların bu günə qədər davam etdirilməsi, Madrid prinsipləri ətrafında müzakirələrin aparılması, "bəzi məsələlər dəqiqləşdirilməlidir" deyilməsi, müxtəlif modellərdən danışılması göstərir ki, diplomatiyamız ermənilər qarşısında naəlac vəziyyətdə qalıb: "Vaxt nəyə lazımdır? Daha çox vaxtın keçməsi Ermənistana lazımdır. Nə üçün "vaxt lazımdır ki, iş aparılsın" deməklə Azərbaycan vaxtın uzanmasının tərəfdarı kimi çıxış edir? Bunların hamısı ondan xəbər verir ki, hakimiyyət bütövlükdə qətiyyətli mövqe tutmur və ona görə də bu günə qədər torpaqlarımız işğal altında qalıb". QAT sədri bildirdi ki, münaqişənin danışıqlar yoluyla həlli üçün rəsmi Bakı çoxdan konkret zaman kəsimi, 1 il, yaxud 6 ay müəyyənləşdirməliydi. Həmin vaxt bitəndən sonra da beynəlxalq hüququn, BMT Nizamnaməsinin Azərbaycana verdiyi haqdan istifadə olunmalı və torpaqlarımızın hərbi yolla işğaldan azad olunmasına başlanmalıydı: "İndiyə qədər rəsmi Bakı bu haqdan yararlanmayıb ki, bu da səhvdir". Akif Nağı hesab edir ki, müzakirələrdə İrəvana Dağlıq Qarabağla bağlı Tatarıstan modelinin təklif olunması da düzgün deyil. Dağlıq Qarabağın statusu ilə bağlı aparılan danışıqlar mənasız və yersizdir: "Nə üçün orada yaşayan 50 min erməniyə hansısa muxtariyyət verilməli, Tatarıstan modeli tətbiq olunmalıdır? Bu sual beynəlxalq təşkilatların qarşısında qoyulmalıdır. Niyə Ermənistandan çıxarılan 250 min azərbaycanlının geri qaytarılması, onlara muxtariyyət verilməsi məsələsi qoyulmur, amma 50 min erməniyə muxtariyyət verilməsindən söhbət gedir? Azərbaycan diplomatiyasının ən yanlış addımlarından da biri ondan ibarətdir ki, lap əvvəldən statusla bağlı məsələni müzakirə etməyə başlayıb. Diplomatiyamız qəti şəkildə ortaya mövqe qoymalıdır ki, burada Dağlıq Qarabağda yaşayan ermənilərin hüquqlarından yox, Azərbaycan torpaqlarının işğalından söhbət gedir. Ona görə də hər hansı bir modelin müzakirəsi yersizdir". xalqcebhesi