tarixi GƏNCƏ şəhəri. cənnət məkan

2008-05-09 19:39

Göy Göl Göy Göl dövlət qoruğu bu ilin oktyabr ayında Milli Park statusu adını ala bilər. Bunu qoruğun direktoru Bilal Əliyev bildirdi. Qeyd edək ki,Göy Gölün Milli Park olması barədə söhbət artıq üç ildir gedir. Bilal Əliyevin sözlərinə görə buna Xanlar r

Gunaz.tv

Göy Göl Göy Göl dövlət qoruğu bu ilin oktyabr ayında Milli Park statusu adını ala bilər. Bunu qoruğun direktoru Bilal Əliyev bildirdi. Qeyd edək ki,Göy Gölün Milli Park olması barədə söhbət artıq üç ildir gedir. Bilal Əliyevin sözlərinə görə buna Xanlar rayon köhnə icra başçısı müəyyən manelər yaradırdı. O, Milli Park üçün 5500 hektar torpaq sahəsi verəcəyini desə də buna əməl etməyib. Lakin, bu gün yeni icra hakimiyyətinin başçısı ilə birgə torpaqların hansı hissədən verilməsi muzakirə olunur. Həmçinin Murov dağı istiqamətində olan yaylaq əraziləri var ki, onlar da Milli parkın ərazisinə düşə bilər. Artıq rayon icra hakimiyyəti ölkə başçısının sərəncamına əsasən Ekologiya və Təbii sərvətlər Nazirliyinə və Milli Elmlər Akademiyasına rəy göndəriblər. Məlumat üçün bildirək ki, qanuna əsasən qoruq ərazisində insanların istirahət etməsi qadağandır. Muxtəlif vaxtlarda buna icazə verilib, bu isə Göy Gölün çirklənməsinə səbəb olur. Milli Park yaradılandan sonra əraziyə xüsüsi maşınlarla giriləcək və turistlər üçün gəzinti marşrutları hazırlanacaq. Artıq üç göl istiqamətində cığırlarla marşrutlar hazırlanıb. Onu da qeyd edək ki, Göy Göl qoruğu ərazisində 423 növ ağac, kol, dərman bitkiləri var. Buların 76 növü sırf ağac və koldur. Qalanlar isə çəmən bitkiləridir. Ərazidə maral, cüyür, ayı, çöl qabanı, dağ keçisi, canavar, tülkü, çaqqal, porsuq, oxatan kirpi, çöl pişiyi, vaşaq kimi heyvanlar var. Bundan başqa ağ baş kərkəz, dağ hinduşqası və tetra kimi nadir quşlar da mövcuddur. 1139-cu ildə Gəncədə baş vermiş zəlzələ nəticəsində Kəpəz dağı uçaraq Ağsu çayının qarşısını kəsib. Nəticədə isə füsunkar gözəlliyi, xüsusilə də suyunun şəffaflığı ilə seçilən məşhur Göy Göl yaranmışdır. Gəncə ətrafı zonalarda yerləşən göllər Göy Göl ərazisindəki göllər: ümumilikdə 19 göl var. 7-si böyük göllər sırasına daxildir. Göy Göl. Dəniz səviyyəsindən 1556 metr yüksəkliyində yerləşir. Uzunluğu 2800 metrdir. Eni 800 metrdən 1000 metrə qədərdir. Dərinliyi 96 metrdir. Gölün görünmə qabiliyyəti 8-10 metrdir. 29-31 metr arasında oksigen var. 31 metrdən sonra kükürtlü təbəqədir. Ərazisində 423 növ ağac və kol, dərman bitkiləri var. 76 növü ağac və kol, qalanları çəmən örtüyüdür. Ərazidə maral, cüyür, ayı, çöl qabanı, dağ keçisi, canavar, tülkü, caqqal, porsuq, oxatan kirpi, cöl pişiyi, vaşaq var. Göldə farel balığı da yaşayır. Maralgöl. Eni və uzunu 1 km-ə qədərdir. Dərinliyi 97 metr. Su oksigenlə zəngindir və farel balığının saxlanması mümkündür. Zəli gölü. Eni bəzi yerlərdə 500 metr, bəzi yerlərdə isə 400 metrdir. Dərinliyi 16 metr. Qamışlıqdan ibarətdir. İçməli su kimi istifadə oluna bilməz. Qara göl. Ərazisi 3 hektara yaxındır. Dərinliyi 16 metrdən 24 metrə qədərdir. Kəpəz dağının dağılmış çınqılları ərazisindədir. Göl bir tərəfindən nadir Eldar şamı meşəsi, digər tərəfdən isə qarışıq enli yarpaqlılarla əhatə olunub. Çöl heyvanlarının ən çox məskunlaşdığı ərazidir. Güzgü gölü. Bu göl iki hövzədən ibarətdir. I – sahəsi 1 hektardır. Dərinliyi 6-8 metrdir. Qayalıq ərazisində dərinliyi 10 metrdən 16 metrə qədərdir. Dibində olan bütün daşlar görülür. İçərisinə atılan əşya 5-6 dəfə böyüyür. Onun üçün də bu göl "Güzgü gölü" adlanır. II – meşəliyin arasında olan göl gün işığı düşdüyü zaman parıldayır. Adının "Güzgü gölü" olmasının bir səbəbi də budur. Cilli göl. Bataqlıq gölüdür. Bütün otlar suyun altında qaldığına görə Cilli göl adlanır. Üç göllər. Murov dağı yüksəkliyində yerləşir. Ümumi sahəsi 8 hektara yaxındır. Dəniz səviyyəsindən yüksəkliyi 2800 metrdir. Xırda göllər – Çoban gölü, Ayı gölü, Bataqlıq gölü. Bulaqlar – Çay kənarında Yeddi bulaq. Göy dağ bulağı. Novruz bulağı. Gişxanım bulağı. Dərzi qaya bulağı. Xatın bulağı. Cınqır dağının bulağı. Turş su – Murov dağı istiqamətində, Göy Göl qoruğu ərazisində müalicəvi əhəmiyyətli bulaq. İstirahət kəndləri Toğana kəndi. Göy Göl ərazisində, göldən 1 km. 500 metr məsafədə yerləşir. Əzgilli kəndi, Çay kənd. Ərazisində olan nadir quşlar – ağbaş kərkəz, dağ hinduşqası (uar), tetra. Xoşbulaq Daşkəsən rayon mərkəzindən 17 kilometr aralıda yerləşən Xoşbulaq kəndi Gəncəbasarın ən səfalı guşələrindən biri hesab olunur. Kənddə təxminən 4800 sakin və 1000-ə yaxın yaşayış evi var. Buranın iqlimi əsasən sərin keçir. Əraziyə il ərzində təxminən 500 millimetr yağıntı düşür. Çəmən otlaqlardan ibarət sahələr aprelin əvvəllərindən oktyabrın ortalarınadək yaşıl olur. Bəzi ərazilərdə isə süni Şamlıq meşə zolağı salınıb. Əkinə yararlı torpaqlar tünd şabalıdı olduğundan burada əsasən kartof, alma, gavalı, göyəm, quşarmudu yetişdirilir. Kənddə əsasən arıçılıq, qoyunçuluq və maldarlıq inkişaf etdirilib. Buradan irili-xırdalı təxminən 50-yə yaxın bulaq (məs: Pört-pört, Qiblə, Qırx bulaq və sair) və Qaracəfər çayı axır. Bundan başqa öz genişliyi və göz oxşayan mənzərəsi ilə görənləri sehirləyən Zağalı gölü də var (50 metr eni, 110 metr uzun). Göl Xoşbulağın 3 kilometrliyində yerləşir. Bir sözlə gələrsiz görəsiz!

Paylaş :

Açar Sözlər :

Şərhlər

Şərh Yaz

Həmçinin Oxuyun

2021-02-26

GünazTV (Güney Azerbaycan TV)

Instagram