SON XƏBƏRLƏR

Təbrizdə “farsca yetərlilik” testinin tətbiqinə etiraz edən Bildiriş yayılıb – VİDEO

2021.10.20, 07:36
Təbrizdə “farsca yetərlilik” testinin tətbiqinə etiraz edən Bildiriş yayılıb – VİDEO

Gunaz.tv

GünAz TV: Güney Azərbaycanın Təbriz şəhərində İranın Təhsil Nazirliyinin tətbiq etdiyi “farsca yetərlilik” irqçi testinin tətbiq edilməsinə etiraz edən Bildiriş yayılıb.

 

Güney azərbaycanlı fəallar tərəfindən hazırlanan Bildirişdə soydaşlarımız irqçilərin tətbiq etdiyi testə qarşı mədəni etiraza dəvət olunub.

 

İran təhsil nazirinin ibtidai təhsil üzrə müavini Rizvan Həkimzadə mayın 29-da “farsca yetərlilik testi”ni uşaqların sağlamlığının testi layihəsinə əlavə ediləcəyini açıqlamışdır. O bu qərarı İranın dini lideri Əli Xamneyinin fars dilini öyrənməklə bağlı tövsiyyəsinə diqqət yetirmək, təhsildə ədaləti təmin etmək və ikidilli bölgələrdə şagirdlərə “gec öyrənən” etiketinin vurulmasının qarşısını almaqla əlaqələndirmişdir.

Plana görə, məktəbə daxil olmaq istəyən uşaqlar fars dilində müəyyən qədər danışmalıdır, əks halda onların sağlamlıq durumu təsdiq olunmayacaq və məktəb tərəfindən qeydiyyata alınmayacaq.

 

İrqçi layihə ilk dəfə gündəmə gətirilən zaman ona qarşı çoxlu etirazlar oldu, lakin İran rejimi əhalinin etirazına məhəl qoymadan planı bəzi məntəqələr, o cümlədən bir neçə Azərbaycan şəhərində həyata keçirməyə başlayıb. Məqsəd məktəbə gedənə qədər ana dilini öyrənmək imkanını uşaqlardan almaq və ailələri evdə fars dilində danışmağa vadar etməkdir. Soydaşlarımız İran rejiminin asilmilasyon siyasətinin tərkib hissəsi olan planın irqçilik zəminində həyata keçirildiyinə inanır.

 

Əslində türk uşaqlarına öz dilini unutdurmaq prosesi Pəhləvi dövründə başlayıb və hələ də davam edir. O dövrdə məktəblərdə türk dilində danışan uşaqlar üçün cərimə qutusunun qoyulması, onların döyülüb və aşağılanması inkaredilməz faktlardır. İranda İslam Cümhuriyyəti dövründə də türk dilinə qarşı münasibət dəyişmədi, ona qarşı müxtəlif formalarda mübarizə aparıldı.

 

https://www.youtube.com/watch?time_continue=30&v=nEBAZjtNkMU

 

 

N.S

 

SEÇİLMİŞ XƏBƏRLƏR

Çox oxunanlar