Təbrizdə stadiona buraxılmayan qızlardan “Traxtur” tərəfdarlarına təşəkkür mesajı – VİDEO / Qızlar oğlan paltarı ilə stadiona gediblər

SON XƏBƏRLƏR

Təbrizdə stadiona buraxılmayan qızlardan “Traxtur” tərəfdarlarına təşəkkür mesajı – VİDEO / Qızlar oğlan paltarı ilə stadiona gediblər - GÖRÜNTÜ

2021.10.20, 07:36

Gunaz.tv

GünAz TV: Təbrizin “Traxtur” komandasının dekabrın 14-də Xuzistanın “Fulad” komandası ilə keçirdiyi görüşdə, komandanın bir çox qız tərəfdarı səhənd stadiona buraxılmayıb.

Məlumata görə, Azərbaycan komandasının qız tərəfdarları görüşü stadionda canlı izləməyə çalışıb və bunun üçün əllərindən gələni ediblər, lakin onlar təhlükəsizlik qüvvələri tərəfindən stadiondan uzaqlaşdırılıb. İran rejiminin qanunlarına görə, qadınların stadionlarda yarışları izləməsi qadağandır.

Bu arada iki qızın oğlan paltarı ilə stadiona daxil olduğu bildirilir. “Traxtur”-“Fulad” görüşündən yayılan görüntülərdə atasının yanında görünən bir gənc qızın oğlan paltarı ilə stadiona daxil olduğu müşahidə olunur. Eyni metodla daha bir azyaşlı qız uşağı yoxlamadan keçərək stadiona daxil ola bilib.

Şəkillərdə göründüyü kimi, “Traxtur”un bir çox qız uşağı və qadın tərəfdarı isə stadionun yaxınlığındakı təpənin üstündən doğma komandanın yarışını izləməyə çalışıblar.

Stadiona buraxılmayan “Traxtur”un qız tərəfdarlarından biri video vasitəsi ilə komandanın kişi tərəfdarlarına öz ürək sözlərini çatdırıb. O, hər bir fürsətdə qadın hüquqlarını müdafiə edən və onların stadiona buraxılmasını tələb edən “Traxtur” tərəfdarlarına öz təşəkkürünü bildirib.

“Biz bu vasitə ilə sizə öz dəstəyimizi nümayiş etdiririk, necə ki, siz bizim səsimiz olubsunuz və bizim hüquqlarımız haqda şüarlar səsləndirirsiniz. Qadınların stadiona buraxılmasını tələb edən bütün “Traxtur” tərəfdarlarına öz təşəkkürümüzü bildiririk. Biz hamımız insanıq və bərabər hüquqa malikik. Bir-birimizə arxayıq və bu yolu birlikdə gedəcəyik”- deyə videoda bildirilib.

Onun sözlərini və söhbətinin sonunda verdiyi şüarları olduğu kimi dinləmək üçün aşağıdakı videonu izləyə bilərsiniz:

https://www.youtube.com/watch?time_continue=15&v=EdNINuMKI7U

N.S