Tehran prokuroru azərbaycanlı alim haqda irəli sürülən uydurma ittihamları təkrar dilə gətirib

26.12.2017, 11:53

GünAz TV: İran rejimi tərəfindən əsassız şəkildə İsrailə casusluq etməkdə günahlandırılan azərbaycanlı araşdırmaçı-alim Prof. Dr. Əhmədrza Calali yaxın gələcəkdə edam oluna bilər.

 

Tanınmış alimin edam olunma ehtimalı Tehran prokuroru Abbas Cəfəri Dolətabadi ona qarşı irəli sürülən ittihamları təkrar dilə gətirdikdən sonra daha da artıb.

 

Prokuror mətbuata verdiyi açıqlamada azərbaycanlı alimi növbəti dəfə İsrail kəşfiyyatına casusluq etməkdə ittiham edib. Ə.Calali həmin ittiham əsasında İnqilab Məhkəməsi tərəfindən edam cəzasına məhkum edilib, hökm ölkənin Ali Məhkəməsi tərəfindən də təsdiqlənib.

 

“Mizan” xəbər agentliyinin yaydığı məlumata görə, Abbas Cəfəri Dolətabadi edam hökmünə edilən beynəlxalq etirazlara işarə etmədən azərbaycanlı alimə qarşı bir sıra ittihamlar sadalayıb. O son günlərdə Ə.Calali ilə zindanda görüşdüyünü də deyib. “Müttəhim görüş zamanı xarici kəşfiyyat məmurları ilə 8 dəfə görüşdüyünü etiraf edib və bunun üçün pul aldığını bildirib”- deyə prokuror qeyd edib.

“O, Müdafiə Nazirliyi və Atom Enerji Təşkilatının binaları və müdirləri, atom enerji saytları, Təşkilatın tabeliyində olan qurumlar, həmçinin bəzi plan və layihələr barədə İsrailin Kəşfiyyat Orqanı “Mossad”a məlumat ötürüb”- deyə Abbas Cəfəri Dolətabadi açıqlayıb.

 

Prokuror müttəhimin necə bu məlumata əl tapdığı barədə heç bir məlumat verməyib.

 

Ötən günlərdə müttəhimin həyat yoldaşı Vida Mehranniya İran prezidenti Həsən Ruhaniyə məktubla müraciət edərək ondan həyat yoldaşının dosyesinə müdaxilə etməsini istəyib. O bildirib ki, gec olmadan Ə.Calalinin Ettelaat Nazirliyi tərəfindən hüquqlarının pozulmasını araşdıran komitə yaradılsın.

“Etiraflar” filminin İran televiziyasından yayılmasına işarə edən Vida Mehranniya qeyd edib ki, Ettelaat məmurları zindanın 209-cu korpusunda həyat yoldaşını uşaqlarının təhlükəsizliyi ilə bağlı təhdid edərək ondan yalan etiraflar alıb və film çəkiblər.

 

Ə.Calali ötən günlərdə televiziyada yayılan etiraflarının etibarsız olduğunu bildirmişdir.

 

Azərbaycanlı alim bu barədə yayılan Səs Faylında danışıb. Onun yaxınları dekabrın 19-da BBC-nin müxbiri ilə danışıqda Səs Faylının həqiqətən də Ə.Calaliyə aid olduğunu, onun həbsxanada yazıldığını təkidlə təsdiq ediblər.

O İran televiziyasında yayılan video ilə bağlı danışarkən etirafların qeyri-adi psixoloji durumda, təzyiq altında və azadlığa buraxılma vədi ilə alındığını deyib.

 

Ötən günlərdə İran televiziyasında yayılan videoda Ə.Calali İranın qətlə yetirilmiş nüvə alimləri haqda guya İsrail kəşfiyyatına məlumat ötürdüyünü etiraf edib.

 

İki ay öncə də Ə.Calaliyə aid bir Səs Faylı yayılmışdır. O həmin Səs Faylında bildirib ki, təknəfərlik kamerada saxlandığı zaman iki dəfə müstəntiqlər tərəfindən hazırlanan bəyanatları kamera qarşısında oxuyaraq müəyyən etiraflar etməyə məcbur edilib.

 

Bundan öncə Əhmədrza Calalinin həyat yoldaşı Vida Mehranniya  “Radio Fərda”ya bildirib ki, ona 3 ay təknəfərlik kamerada saxlandığı müddətdə ailəsi ilə ayda bir dəfə, o da bir dəqiqəlik söhbət icazəsi verilib. O həmçinin aylarca vəkili ilə əlaqə saxlaya bilməyib.

“Həbsxanada ona bildirilib ki, sənin övladların öldürüləcək. Lakin etiraf etsən bu məsələ öz həllini tapacaq və azadlığa buraxılacaqsan”- deyə müttəhimin həyat yoldaşı əlavə edib.

 

Müxtəlif qurum və şəxslər, o cümlədən İnsan haqları Təşkilatları, Avropada yaşayan azərbaycanlı alimin İranın kəşfiyyat və təhlükəsizlik qüvvələri ilə əməkdaşlıq etməkdən imtina etdiyinə görə edama məhkum edildiyinə inanır.

 

Qondarma ittihamla üzləşən azərbaycanlı alim islam inqilabından 7 il öncə Təbrizdə dünyaya göz açıb. O bir neçə il əvvəl İsveçin (Sued) Stokholm şəhərinə gedib. Təbii fəlakətlər üzrə doktorluq dərəcəsini İsveçin Karolinska İnstitutundan alan Ə.Calali həyat yoldaşı və iki övladı ilə birlikdə İsveçdə qalmalı olub, o İtaliya və Belçika kimi ölkələrdə elmi-tədqiqat müəssisələrində də çalışıb.

 

Tehran və Şiraz universitetlərinin dəvəti ilə İrana səfər edən Ə.Calali 2016-cı il aprelin 24-dən Tehranın Evin zindanında həbsdədir. O İran kəşfiyyatının uydurduğu saxta ittihamla edam cəzasına məhkum edilib.

 

N.S

 

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Təbriz və Ankara turizm sahəsində əməkdaşlıq edəcəklər

2022-05-17

gun az article

Təbrizdə çörək qıtlığı yaranıb

2022-05-17

gun az article

Miyanada tarixi əsər qaçaqmalçıları həbs olunub

2022-05-17

gun az article

Ərdəbildə həbs olunanlara qarşı cinayət işi açılır

2022-05-17

gun az article

"Parlaq gələcək”də müzakirə: “Güney Azərbaycanda iqtisadi və ictimai-siyasi durum”-VİDEO

2022-05-17

gun az article

“Azadlıq səsi”: “İran bahalaşma və artan etirazlar” və “İrandakı etirazlar və Milli Hərəkatın tutumu” -VİDEO

2022-05-17

gun az article

“Düşünməyə çağırış”da müzakirə- “Milli içərik daşıyan şüarlar” -VİDEO

2022-05-17

gun az article

Muğanda ​​​​​​​“Buta” Azərbaycan musiqi qrupunun konsertinə icazə verilməyib

2022-05-17

gun az article

"Ərk" Azərbaycan İnsan Haqları Cəmiyyəti İrandakı etirazlarla bağlı bəyanat yayıb

2022-05-17

gun az article

İsfahanlı molla: "Azərbaycan rəqsi insan tərbiyəsinə uyğun deyil"- VİDEO

2022-05-16

gun az article

Təbrizli idmançı beynəlxalq yarışda qızıl medal qazanıb

2022-05-16

gun az article

Kərkük türkmənlərindən kürdlərə etiraz

2022-05-16

gun az article

İran məktəblərində fars dilinin inkişafı ilə bağlı yeni proqramlar hazırlanır

2022-05-16

gun az article

Təbrizdə təqaüdçülərin növbəti etiraz aksiyası keçirilib-VİDEO

2022-05-15

gun az article

Təbrizdə divarlara etiraz şüarları yazılıb- Vətəndaşlar etiraz aksiyalarına çağırılıb-FOTOLAR

2022-05-15

gun az article

Ərdəbil əyalətində həkim çatışmazlığı

2022-05-15

gun az article

İran televiziyası və Mədəni İrs Təşkilatı Qərbi Azərbaycan əyalətinin adını təhrif edib

2022-05-15

gun az article

“Azadlıq, ədalət, milli hökumət”- Milli Hərəkat fəalları İrandakı son hadisələrlə bağlı bəyanat yayıb

2022-05-15

gun az article

Kərəcdə ərzaq üsyanı: İran bayraqları endirildi

2022-05-13

gun az article

İranda ərzaq qıtlığı: Ərdəbildə xalq küçələrə axışdı

2022-05-13